Read Pashto (Nangahari) — د پښتو مقدس کتاب خواږهٔ سرودونه 7 Bible Online

خواږهٔ سرودونه 7 - Pashto (Nangahari) — د پښتو مقدس کتاب bible

خواږهٔ سرودونه 7

¹ستا پښې په څپلو کښې څومره ښُکلې ښکارينه، اے د شهزادګۍ لورې! ستا غونډى پتونونه د قيمتى کاڼو په شان دينه، لکه چې دا يو ماهر زرګر جوړ کړى وينه.

²ستا نوم د يوې پيالۍ په شان دے نه لکه چې د خوشبوداره شرابو نه ډکه وينه. ستا پښې لکه د غنمو د ګيډۍ په شان دينه چې ګيرچاپيره ترې نه د لاله ګلونه راتاو شوى وينه.

³ستا سينې لکه د هوسو د جوړه بچو په شان دينه،

⁴ستا غړۍ لکه د هاتى د غاښونو نه جوړه شوې منارې په شان ښائسته ده نه. ستا سترګې د حسبون ښار د ځليدونکو تالابونو په شان دينه، کوم تالابونه چې د دې ښار د بيت رابيم دروازې سره دينه. ستا پوزه د لبنان د برج په شان ښائسته ده نه چې د دمشق ښار ترې نه ښکارينه.

⁵ستا سر لکه د کرمل د غرۀ په شان اُوچت دېنه، ستا د زلفو ښائست لکه د شاهى ګلکارئ په شان دېنه تردې چې بادشاهان هم ستا د کمڅو د ولونو بنديوان دينه.

⁶اے محبوبې، تۀ څومره ښُکلې او حسينه ينه، تهٔ څومره د خوشحالو نه ډکه ينه.

⁷ستا قد او قامت د کجورې د ونې په شان دېنه، او ستا سينې د ميوو د غونچو په شان دينه.

⁸ما وئيل زهٔ به د کجورې ونې ته وخيژمه او کجورو ته به يې لاس وروړمه. ستا سينې دې د ميوو د غونچو په شان وينه، او ستا د خولې خوشبو دې لکه د سيوانو په شان وينه.

⁹او ستا شونډې د اعلٰى شرابو په شان دينه. نو دا شراب دې زما د جانان په غاښُونو او شونډو باندې په نرمئ سره وبهيږينه.

¹⁰زۀ د خپل جانان يمه، او د هغۀ زړۀ ما غواړينه.

¹¹زما جانانه راشه، راځه چې بهر پټو ته لاړ شو نه او هلته په کلى کښې شپه تيره کړو نه.

¹²راځه چې سحر وختى پاڅيږونه او د انګورو باغونو ته لاړ شونه چې د انګورو د ځيلو راټوکيدل ووينو او چې انارو ګلونه کړى دى که نه، هلته به زهٔ خپله مينه تا ته وښايمه.

¹³هلته به د مړه غونو بوټو خپله خوشبو راپريښې وينه، او د ټولو نه ښې ميوې به زمونږ دروازې سره وينه، نوې او زاړهٔ خوندونه، جانانه کوم چې ما ستا دپاره ساتلى دينه.