Read Pashto (Nangahari) — د پښتو مقدس کتاب يشعياه 12 Bible Online

يشعياه 12 - Pashto (Nangahari) — د پښتو مقدس کتاب bible

يشعياه 12

¹په هغه ورځ به تاسو وايئ، ”اے مالِکه خُدايه، زۀ ستا ثناء صِفت کوم! تۀ ما ته غصه وې، خو اوس ستا غصه سړه شوې ده او تۀ ما له تسلى راکوې.

²ګورئ، خُدائ پاک زما خلاصوُونکے دے، زۀ به په هغۀ توکل کوم او نۀ به يرېږم. ځکه چې مالِک خُدائ ما له طاقت راکوى او زما حفاظت کوى، هغه زما خلاصوُونکے دے.“

³په خوشحالۍ سره به تاسو د خلاصون د چشمې نه اوبۀ راوباسئ.

⁴په هغه ورځ به تاسو وايئ، ”د مالِک خُدائ شکر ادا کړئ! هغۀ ته د مدد دپاره آواز وکړئ! هغۀ چې څۀ کړى دى نو ټولو قومونو ته ووايئ! هغوئ ته ووايئ چې د هغۀ نوم څومره لوئ دے!

⁵مالِک خُدائ چې کوم لوئ لوئ کارونه کړى دى نو د هغې په وجه د هغۀ حمدوثناء کوئ. او ټولې دنيا ته دې د دې خبر ورسيږى.

⁶اے د صِيون خلقو په اُوچت آواز د خوشحالۍ نعرې ووهئ! د بنى اِسرائيلو مقدس ذات ډېر لوئ دے، او هغه د خپلو خلقو په مينځ کښې اوسېږى.“