Read Pashto (Nangahari) — د پښتو مقدس کتاب لاويان 27 Bible Online

لاويان 27 - Pashto (Nangahari) — د پښتو مقدس کتاب bible

لاويان 27

¹څښتن حضرت موسیٰ ته وفرمايل:

²”د اسرائيليانو سره خبرې وکړه او ورته ووايه چې که چېرې څوک يو بل نفر د خاص نذر په توګه څښتن ته وقف کړي، نو هغه نفر به د لاندينيو پيسو په ورکولو سره آزاد شي:

³۳‏-۷ د مقدس ځای د مثقال په مطابق: مثقاله سپين زر. سپين زر. سپين زر.

⁸که چېرې يو نفر چې نذر ورکوي ډېر غريب وي او نشي کولی چې دا ټاکل شوې اندازه ادا کړي، هغه دې دا نفر کاهن ته وړاندې کړي او کاهن به نذر ورکوونکي ته د هغه د توان سره سمه بيه وټاکي.

⁹که چېرې د هغه نذر يو داسې حيوان وي چې څښتن ته د نذرانې په توګه د منلو وړ وي، نو داسې سوغات چې څښتن ته ورکول کيږي هغه مقدس دی.

¹⁰که هغه حيوان ښه وي يا خراب، هغه نشي کولی چې د بل حيوان سره يې بدل کړي. که چېرې داسې وکړي نو دواړه حيوانات د څښتن کيږي.

¹¹که چېرې د هغه نذر يو ناپاک حيوان وي، دا چې هغه څښتن ته د نذرانې په توګه د منلو وړ نه دی نو هغه حيوان بايد کاهن ته راوستل شي.

¹²کاهن دې د هغه د ښه والي يا بدوالي له مخې بيه وټاکي او دا به آخرنۍ بيه وي.

¹³که چېرې خاوند يې وغواړي چې هغه حيوان بېرته واخلي، بايد د هغې د بيې څخه شل فيصده زيات ورکړي.

¹⁴که چېرې يو نفر خپل کور څښتن ته وقف کوي، کاهن به ورته د هغه د ښه والي يا بدوالي له مخې بيه وټاکي او هغه به آخرنۍ بيه وي.

¹⁵که چېرې هغه نفر چې خپل کور يې وقف کړی دی وغواړي چې هغه بېرته واخلي، بايد شل فيصده اضافه بيه ادا کړي او کور به بيا د هغه شي.

¹⁶که چېرې يو نفر څښتن ته د خپلې کورنۍ د ځمکې کومه برخه وقف کوي، د هغې بيه دې د هغه تخم د اندازې له مخې وټاکل شي چې په هغه ځمکه کې کرل کيږي، يعنې د دوه سوه کيلوګرامو اوربشو تخم دپاره پنځوس مثقاله سپين زر.

¹⁷که چېرې هغه دا ځمکه د بېرته ورکولو د کال څخه وروسته سمدلاسه وقف کړي نو ټوله بيه دې ادا کړي.

¹⁸مګر که چېرې هغه نفر خپله ځمکه له دې څخه وروسته وقف کړي، کاهن به د هغې بيه د هغو کلونو د شمېر له مخې حساب کړي چې د بېرته ورکولو تر راتلونکي کال پورې پاتې وي او کمه بيه به وټاکي.

¹⁹که چېرې هغه نفر چې ځمکه يې وقف کړې ده وغواړي چې هغه بېرته واخلي، بايد د اضافه شلو فيصدو سره بيه ادا کړي او ځمکه به بېرته د هغه شي.

²⁰که چېرې هغه ځمکه په بل چا باندې خرڅوي، نو هغه دې اول بېرته په بيه واخلي، له دې پرته د بېرته اخيستلو حق د تل دپاره له لاسه ورکوي.

²¹د بېرته ورکولو په راتلونکي کال کې به دا ځمکه مقدسه شي او د څښتن دايمي ملکيت کيږي. هغه به د کاهنانو شي.

²²که چېرې يو نفر څښتن ته داسې يو پټی وقف کړي چې اخيستی يې وي او د هغه د کورنۍ د ځمکې برخه نه وي،

²³کاهن به د هغه بيه د هغو کلونو د شمېر له مخې حساب کړي چې د بېرته ورکولو تر راتلونکي کال پورې پاتې وي او هغه نفر بايد په هماغه ورځ بيه ادا کړي. پيسې د څښتن کيږي.

²⁴دا پټی به د بېرته ورکولو په کال کې د هغه اصلي خاوند يا د هغه اولادې ته بېرته ورکړای شي.

²⁵ټولې بيې بايد د مقدس ځای د اندازې له مخې وټاکل شي.

²⁶اولنی زېږېدلی حيوان له پخوا څخه د څښتن دی، نو هيڅوک نشي کولی چې هغه څښتن ته وقف کړي. که هغه يو خوسی وي، يو وری يا سېرلی وي، که هغه نر وي يا ښځه، هغه د څښتن دی.

²⁷که چېرې هغه يو ناپاک حيوان وي، کېدای شي چې په اصلي بيه د اضافه شلو فيصدو سره بېرته واخيستل شي. که چېرې هغه بېرته وانه خيستل شي، کېدای شي چې په بل چا باندې په اصلي بيه خرڅ شي.

²⁸هيڅوک نشي کولی چې داسې څه خرڅ کړي يا يې بېرته واخلي چې پرته له کوم شرط څخه يې څښتن ته وقف کړی وي، که هغه يو انسان وي، يو حيوان، يا د کورنۍ ځمکه وي. هغه په دايمي توګه د څښتن دي.

²⁹حتیٰ که يو انسان بې له کوم شرط څخه وقف کړای شوی وي هغه بېرته په بيه نشي اخيستل کېدای، هغه بايد ووژل شي.

³⁰د ځمکې د ټولو حاصلاتو لسمه برخه که هغه غلې دانې وي يا مېوه، هغه د څښتن ده.

³¹که چېرې يو نفر وغواړي چې له هغې څخه لږ بېرته واخلي، هغه بايد د اضافه شلو فيصدو سره اصلي بيه ادا کړي.

³²کله چې څوک خپلې پادې او رمې شمېري د هغو څخه هر لسم حيوان د څښتن دی.

³³هغه نفر نشي کولی چې خپل حيوانات داسې ترتيب کړي چې خراب حيوانات ورڅخه انتخاب کړي او نشي کولی چې هغه بدل کړي. که چېرې هغه يو حيوان د بل سره بدل کړي، بيا دواړه حيوانات د څښتن کيږي او بېرته په بيه نشي اخيستل کېدای.“

³⁴دا هغه امرونه دي چې څښتن حضرت موسیٰ ته د سينا په غره باندې د اسرائيليانو دپاره ورکړل.