Read Pashto (Nangahari) — د پښتو مقدس کتاب شمېر 2 Bible Online

شمېر 2 - Pashto (Nangahari) — د پښتو مقدس کتاب bible

شمېر 2

¹څښتن حضرت موسیٰ او حضرت هارون ته وفرمايل:

²”کله چې اسرائيليان خېمې ودروي، هر سړی به د خپلې ډلې د بيرغ او د خپلې طايفې د نښان لاندې خېمې ودروي. کمپ دې د مقدسې خېمې په شاوخوا کې جوړ شي.“

³د يهودا د کمپ ډلې دې په ختيځ کې د لمرخاته خواته د خپل بيرغ لاندې خېمې ودروي. د يهودا د خلکو مشر د عميناداب زوی نحشون دی.

⁴د هغه د ډلې شمېر ۷۴۶۰۰ تنه دی.

⁵د يساکار قبيله به د هغوی په څنګ کې خېمې ودروي. د يساکار د خلکو مشر د صوغر زوی نتنائيل دی.

⁶د هغه د ډلې شمېر ۵۴۴۰۰ تنه دی.

⁷ورپسې به د زبولون قبيله وي. د زبولون د خلکو مشر د حيلون زوی الياب دی.

⁸د هغه د ډلې شمېر ۵۷۴۰۰ تنه دی.

⁹هغه ټول نفر چې د يهودا کمپ ته د هغوی د ډلو په مطابق ورکړل شوي دي، د هغوی شمېر ۱۸۶۴۰۰ تنه دی. اول به دوی روان شي.

¹⁰د روبين د کمپ ډلې به په جنوب کې د خپل بيرغ لاندې وي. د روبين د خلکو مشر د شديئور زوی اليصور دی.

¹¹د هغه د ډلې شمېر ۴۶۵۰۰ تنه دی.

¹²د شمعون قبيله به د هغوی په څنګ کې خېمې ودروي. د شمعون د خلکو مشر د صوريشدای زوی شلوميئيل دی.

¹³د هغه د ډلې شمېر ۵۹۳۰۰ تنه دی.

¹⁴ورپسې به د جاد قبيله وي. د جاد د خلکو مشر د دعوئيل زوی الياساف دی.

¹⁵د هغه د ډلې شمېر ۴۵۶۵۰ تنه دی.

¹⁶هغه ټول نفر چې د روبين کمپ ته د هغوی د ډلو په مطابق ورکړل شوي دي، د هغوی شمېر ۱۵۱۴۵۰ تنه دی. دوهم به دوی روان شي.

¹⁷بيا د اولنيو او آخرنيو دوو کمپونو په منځ کې دې لاويان روان شي او مقدسه خېمه دې يوسي. هر کمپ دې په هماغه ترتيب سره روان شي لکه څنګه چې هغوی خېمې ودروي. هر يو به په خپل ځای کې د خپل بيرغ لاندې وي.

¹⁸د افرايم د کمپ ډلې به په لويديځ کې د خپل بيرغ لاندې وي. د افرايم د خلکو مشر د عميهود زوی اليشمع دی.

¹⁹د هغه د ډلې شمېر ۴۰۵۰۰ تنه دی.

²⁰د منسي قبيله به د هغوی په څنګ کې وي. د منسي د خلکو مشر د فدهصور زوی جمليئيل دی.

²¹د هغه د ډلې شمېر ۳۲۲۰۰ تنه دی.

²²ورپسې به د بنيامين قبيله وي. د بنيامين د خلکو مشر د جدعوني زوی ابيدان دی.

²³د هغه د ډلې شمېر ۳۵۴۰۰ تنه دی.

²⁴هغه ټول نفر چې د افرايم کمپ ته د هغوی د ډلو په مطابق ورکړل شوي دي، د هغوی شمېر ۱۰۸۱۰۰ تنه دی. دريم به دوی روان شي.

²⁵د دان د کمپ ډلې به په شمال کې د خپل بيرغ لاندې وي. د دان د خلکو مشر د عميشدای زوی اخيعزر دی.

²⁶د هغه د ډلې شمېر ۶۲۷۰۰ تنه دی.

²⁷د اشير قبيله به د هغوی په څنګ کې خېمې ودروي. د اشير د خلکو مشر د عکران زوی فجعيئيل دی.

²⁸د هغه د ډلې شمېر ۴۱۵۰۰ تنه دی.

²⁹ورپسې به د نفتالي قبيله وي. د نفتالي د خلکو مشر د عينان زوی اخيرع دی.

³⁰د هغه د ډلې شمېر ۵۳۴۰۰ تنه دی.

³¹هغه ټول نفر چې د دان کمپ ته ورکړل شوي دي، د هغوی شمېر ۱۵۷۶۰۰ تنه دی. هغوی به د خپلو بيرغونو لاندې په آخر کې روان شي.

³²نو دا د اسرائيلو د قوم سرشمېرنه وه چې د هغوی د کورنيو په اساس ترسره شوه. هغه ټول خلک چې په ډلو ډلو په کمپونو کې ؤو، شمېر يې ۶۰۳۵۵۰ تنه ؤو.

³³لکه څنګه چې څښتن په حضرت موسیٰ باندې امر کړی ؤ لاويان د نورو اسرائيليانو سره يوځای ونه شمېرل شول.

³⁴نو د اسرائيلو قوم هغه ټول کارونه سرته ورسول چې څښتن په حضرت موسیٰ باندې امر کړی ؤ. په دې ډول هغوی هر يو د خپل بيرغ لاندې خېمې ودرولې او د خپلې طايفې او خپلې کورنۍ سره روان شو.