Read Pashto (Nangahari) — د پښتو مقدس کتاب تثنيه 33 Bible Online

تثنيه 33 - Pashto (Nangahari) — د پښتو مقدس کتاب bible

تثنيه 33

¹دا هغه برکتونه دي چې د خدای پاک نبي حضرت موسیٰ د خپل مرګ څخه مخکې د اسرائيلو قوم ته ورکړل:

²څښتن راغی د سينا له غره نه هغه ادوم باندې د لمر په شان راپورته شو او وځلېده د فاران له غره نه په خپل قوم باندې د هغه سره لس زره فرښتې وې او په ښي لاس کې يې د اور لمبه وه

³څښتن مينه کوي له خپله قومه سره او ساتنه کاندي د هغو خلکو کوم چې د هغه دي نو مونږ ټيټېږو د هغه پښو ته او د امرونو اطاعت يې کوو

⁴مونږ اطاعت کوو د هغه شريعت کوم چې موسیٰ راکړی چې زمونږ د قوم ده قيمتي شتمني

⁵کله چې راغونډ شول قبيلې د اسرائيلو او مشران نو څښتن د هغوی پادشاه شو

⁶حضرت موسیٰ د روبين د قبيلې په باره کې داسې وفرمايل: روبين دې هيڅکله له منځه نه ځي که څه هم چې قبيله د دوی کوچنۍ ده

⁷هغه د يهودا د قبيلې په باره کې داسې وفرمايل: څښتنه! فرياد د هغوی واوره چې کوي يې د کومک دپاره هغوی بېرته د نورو قبيلو سره يوځای کړه ته قوي کړه لاسونه د يهودا د دښمنانو مقابل کې د هغوی مرسته کوه

⁸هغه د لاوي د قبيلې په باره کې داسې وفرمايل: ای څښتنه تا ورکړي دي اوريم او تميم لاويانو ته يعنې خپل وفادارو خادمانو ته تا په مسا کې هغوی وازمايل او رښتيني دې ثابت کړل هغوی د مريبه د چينې څنګ کې

⁹هغوی وښودله تاته وفا زياته د مور او پلار، ورونو او خويندو اولادونو څخه ستا امرونو ته هغوی کېښوده غاړه او شول پاتې وفادار د ستا د لوظه سره

¹⁰هغوی ستا قوم ته زده کوي ستا د قانون اطاعت هغوی ږدي خوشبويي ستا په حضور کې او سوزېدونکې نذرانې ستا قربانګاه باندې

¹¹مرسته وکړه د هغوی د قبيلې سره څښتنه چې قوي شي خوشاله اوسه ته د هغوی د کارونو څخه ټول دښمنان د هغوی له منځه يوسه هغوی مه پرېږده چې بيا سر کړي راپورته

¹²هغه د بنيامين د قبيلې په باره کې داسې وفرمايل: دا هغه قبيله ده چې څښتن تعالیٰ ورسره مينه کوي هغه اوسيږي د هغوی د غونډيو منځ کې او ټوله ورځ د هغوی ساتنه کوي

¹³هغه د حضرت يوسف د اولادې په باره کې داسې وفرمايل: څښتن دې واوروي پرخه د هغوی په ځمکه او برکت دې واچوي د ځمکې لاندې اوبو کې

¹⁴د هغوی ځمکه دې ډکه شي له هغو مېوو چې پخې شوې وي په لمر باندې او شي دې غني د هر موسم په ډېرو ښو مېوو باندې

¹⁵د هغوی پخوانۍ غونډۍ دې پټې شي په ډېرو ښو مېوو کې

¹⁶د هغوی ځمکه دې ډکه شي له ټولو نعمتونو څخه هغه څښتن دې د هغوی سره نېکي وکړي چې په سوزېدونکي بوټي کې ښکاره شو دا برکتونه دې نازل شي د يوسف په اولادې باندې ځکه رهبر ؤ هغه د خپلو ورونو منځ کې

¹⁷په قوت کې دی يوسف لکه د ځوان غويي په شان د وحشي غويي د ښکرو په شان د هغه ښکرونه د منسي زرګونه خلک دي او د افرايم لس ګونه زره خلک دي نور قومونه وهي هغو ښکرونو باندې او ټېل وهي هغوی د دنيا آخر سرته

¹⁸هغه د زبولون او يساکار د قبيلو په باره کې داسې وفرمايل: زبولون دې وي خوشاله تجارت کې په درياب باندې او د يساکار دولت دې ډېر شي خپل وطن کې

¹⁹هغوی خپل غره ته نورې قبيلې رابولي او وړاندې کوي هلته صحيح قربانۍ لاس ته راوړي هغوی دولت خپل له دريابه څخه او د درياب د غاړې شګو څخه

²⁰هغه د جاد د قبيلې په باره کې داسې وفرمايل: ودې شي ستاينه د خدای چې يې پراخه د هغوی سيمه کړه جاد وباسي انتظار د زمري په شان چې د ښکار مټه يا کوپړۍ غوڅه کړي

²¹هغوی د ځان دپاره واخيستله ښه ښه ځمکه د يو مشر برخه ورکړل شوه هغوی ته کله راغونډ چې شول مشران د اسرائيلو د جاد خلکو کېښودله غاړه د څښتن امرونو او قوانينو ته

²²هغه د دان د قبيلې په باره کې داسې وفرمايل: دان د زمري بچی دی چې په باشان کې له خپل غاره څخه د خپل دښمن پسې ټوپونه وهي

²³هغه د نفتالي د قبيلې په باره کې داسې وفرمايل: د نفتالي سره د څښتن د نېکۍ ډېر برکت دی د هغوی ځمکه رسي د جليل له جهيل تر جنوبه پورې

²⁴هغه د اشير د قبيلې په باره کې داسې وفرمايل: نسبت نورو قبيلو ته د اشير د قبيلې سره دی ډېر برکت هغه دې غوره اوسي د خپلو ورونو منځ کې او د هغه ځمکه دې وي ډکه د زيتون له تېلو

²⁵په هغو دروازو دې د هغه د ښارونو ساتنه وشي چې اړمونه وي د اوسپنې او برنجو په کې او ژوند دې کوي هغه همېشه امن کې

²⁶ای د اسرائيلو خلکو! هيڅ يو خدای نه دی زمونږ د خدای په شان هغه سپريږي د آسمان په ورېځو د خپل شوکت او شانه سره چې راشي تاسو ته کومک دپاره

²⁷آبدي خدای زمونږ د پټېدلو ځای دی هغه نيسي مونږه په آبدي غېږه کې خدای لېرې دښمنان کړل ستاسو ستاسو له مخې څخه او درته ويې ويل چې هغوی تباه کړئ

²⁸نو اولاده د يعقوب کوي په سوله کې ژوند دي په امن هغوی په داسې خاوره کې چې ده ډکه له غلو او له شرابو څخه او چېرته چې پرخه له آسمانه څخه ځمکې ته اوبه ورکوي

²⁹اسرائيلو! تاسو څومره يئ خوشاله چې هيڅوک نشته لکه ستاسو په شان يو داسې قوم چې څښتن ژغورلی د دې دپاره چې دفاع وکړي له تاسو څخه او بری درکاندي څښتن په خپله ستاسو سپر او ستاسو توره ده رحم دپاره به راځي دښمنان ستاسو او زاري به کوي او تاسو تر پښو لاندې کوئ به هغوی