Read Pashto (Nangahari) — د پښتو مقدس کتاب رُوميانو 16 Bible Online

رُوميانو 16 - Pashto (Nangahari) — د پښتو مقدس کتاب bible

رُوميانو 16

¹زَۀ تاسو ته دَ فيبے چه زمُونږ خور اَؤ دَ کِنخريه دَ جماعت خدمتګاره ده، سفارش کوم،

²چه تاسو هغه دَ مالِک په يووالى کښے داسے قبُوله کړئ لکه چه پاکانو ته په کار وى، اَؤ په کُوم کار کښے چه هغه تاسو ته مُحتاجه وى، دَ هغے مدد وکړئ، ځکه چه هغه هم دَ ډيرو مددګاره وه بلکه زما ئے هم مدد کړے دے.

³پرسکله اَؤ اکويله ته مے سلام وايئ، هغوئ په مسيح کښے زما دَ کار ملګرى وُو.

⁴هغوئ زما دَ ژوندانۀ دَ خاطره خپل ځانُونه په خطره کښے هم اچول اَؤ نۀ صرف زَۀ بلکه دَ غيرو يهُوديانو ټولو جماعتُونه دَ هغوئ شکر ګذار دى.

⁵اَؤ هغه جماعت ته مے هم سلام وايئ کُوم چه دَ هغوئ په کور کښے دے. ګران اِپينتوس ته هم زما سلام وايئ چه دَ مسيح دَ پاره په آسيا کښے وړومبے ايماندار سړے دے.

⁶مريم ته مے سلام کوئ، چا چه ستاسو دَ پاره ډير ځان کړولے دے.

⁷اندرونيکوس اَؤ يونياس ته مے سلام وايئ، هغوئ زما وطنى دى اَؤ ما سره قيد شوى وُو اَؤ په رسُولانو کښے نُوميالى دى اَؤ زما نه ئے وړُومبے په مسيح ايمان راوړے وو.

⁸امپلياطوس ته مے سلام وايئ چه دَ مالِک له خاطره په ما ګران دے.

⁹اوربانوس ته مے سلام وايئ چه دَ مسيح په خدمت کښے زمُونږ ملګرے دے اَؤ په ما ګران ستاخوس ته مے سلام.

¹⁰اَؤ په مسيح باندے په ايمان کښے آزمائيلے شوے اپيليس ته مے سلام وايئ اَؤ دَ اريستوبولوس دَ کور خلقو ته مے سلام وايئ.

¹¹زما وطنى هيروديون ته سلام اَؤ دَ نرکس دَ کور هغه خلقو ته سلام چه دَ مالِک سره يووالے لرى.

¹²ترفينه اَؤ ترفوسه ته سلام ورکړئ چه دَ مالِک دَ پاره خوارى کوى اَؤ هم خوږے پرِيس ته سلام چه دَ مالِک دَ پاره ئے ډيره خوارى کړے ده.

¹³اَؤ روفوس ته سلام چه دَ مالِک غوره شوے دے اَؤ دَ هغۀ مور ته چه زما هم مور ده، سلام وايئ.

¹⁴اَسُنکريتوس، فليګون، هِرميس، پتروباس، هِرماس اَؤ هغو وروُڼو ته چه دَ هغوئ ملګرى دى، سلام وايئ.

¹⁵فيلولوګوس اَؤ يوليه اَؤ نيريوس اَؤ دَ هغۀ خور اَؤ اُلمپاس اَؤ ټولو پاکانو ته چه دَ هغوئ سره دى سلام وايئ.

¹⁶اَؤ په خپلو کښے يو بل په پاکه مينه ښکل کړئ اَؤ يو تر بله سلام وکړئ، دَ مسيح ټول جماعتُونه درته سلام وائى.

¹⁷نو اوس اَئے ورُوڼو! زَۀ تاسو ته دا خواست کوم چه کُوم خلق دَ هغه تعليم برخلاف چه تاسو حاصل کړے دے، دَ بے اِتفاقئ اَؤ تيندک خوړو سبب کيږى، هغه په نظر کښے ساتئ اَؤ ځان ترے ساتئ.

¹⁸ځکه چه داسے خلق زمُونږ دَ مالِک مسيح خدمتګاران نۀ دى بلکه دَ خپلے خيټے خدمت کوى اَؤ په خوږو خبرو ساده خلق دوکه کوى.

¹⁹ځکه چه ستاسو فرمانبردارى په ټولو خلقو کښے مشهُوره شوے ده، ځکه زَۀ ستاسو په حقله خوشحاله يم خو غواړم چه په نيکئ کښے هوښياران شئ اَؤ دَ بدئ نه ځان ساتئ.

²⁰اَؤ خُدائے چه دَ سلامتئ سرچينه دے، هغه به ډير زر شيطان ستاسو دَ پښو لاندے چخڼى کړى. زمُونږ دَ مالِک عيسىٰ مسيح فضل دِ تاسو سره وى.

²¹زما ملګرے تيموتيوس اَؤ زما عزيزان لوکيوس، ياسون اَؤ سوسيپطرس درته سلام وائى.

²²دَ دے خط کاتب ترتيوس تاسو ته په مالِک کښے سلام وائى.

²³ګايوس چه زما اَؤ دَ ټول جماعت کوربه دے، تاسو ته سلام وائى، اِراستوس دَ ښار خزانچى اَؤ ورور کوارتوس درته سلام کوى.

²⁴زمُونږ دَ مالِک عيسىٰ مسيح فضل دِ تاسو ټولو سره وى. آمين.

²⁵راځئ چه دَ خُدائے حمدوثنا ووايُو! هغه تاسو په ايمان کښے مظبُوطولے شى لکه چه دَ عيسىٰ مسيح دَ زيرى په مُطابق چه زَۀ آؤروم! له دے نه علاوه دَ خُدائے په کشف کښے همدغه پټ مقصد دے. هغه کشف دَ ډيرے مُودے راسے پټ وو،

²⁶خو اوس څرګند کړے شو، اَؤ ازلى خُدائے دَ نبيانو دَ کلام په وسيله هغه ښکاره کړے دے دَ دے دَ پاره چه دَ هغۀ دَ حُکم په مُطابق ټول قومُونه دَ ايمان راوړلو سره دَ هغۀ تابع شى.

²⁷دَ هغه واحد خُدائے چه په هر څۀ پوهيږى، دَ عيسىٰ مسيح په وسيله تل تر تله لوئى وى! آمين.