Read Pashto (Nangahari) — د پښتو مقدس کتاب يوشع 15 Bible Online

يوشع 15 - Pashto (Nangahari) — د پښتو مقدس کتاب bible

يوشع 15

¹د یهودا د قبیلې طایفو د ځمکې یوه برخه ترلاسه کړه چې په لاندې ډول تشریح کیږي: دا ځمکه د صین د دښتې جنوب یعنې د ادوم د پولې پورې رسېدله.

²د هغو جنوبي پوله د ارام دریاب د جنوبي برخې په پای کې پیل شوې،

³د عقربیم د غاښي جنوب خواته تللې، د صین تر دښتې پورې غزېدلې ده او د قادش برنیع تر جنوب پورې وه. بیا هغه د حصرون څخه تېره شوې، پورته د ادار خواته تللې او د قرقع خواته ګرځېدلې ده.

⁴هغه د عصمون څخه تېره شوې او د هغه خوړ سره یو ځای شوې ده چې د مصر د پولې سره ؤ او د مدیترانې په بحیره کې ختمه شوې ده. دا د ټولو اسراییلو جنوبي پوله هم وه.

⁵د یهودا د قبیلې ختیځه پوله د ارام دریاب ؤ. دا پوله په شمال کې تر هغه ځایه پورې غزېدلې ده په کوم ځای کې چې د اردن سیند د ارام دریاب سره یوځای کیږي

⁶او هغه تر بیت حجله پورې غزېدلې ده، د بیت عربه شمال خواته تللې او له هغه ځای څخه د بوهن ګټ ته راوتلې ده. (بوهن د روبین زوی ؤ.)

⁷او دا پوله بیا د مصیبت له درې څخه پورته دبیر ته راوتلې او د شمال خواته د جلجال په لوري چې د درې په جنوب کې د ادومیم غاښي ته مخامخ ده، ګرځېدلې ده. بیا هغه د عین شمس د چینو خواته تللې او په عین روجل کې راوتلې ده.

⁸بیا دا پوله د غونډۍ جنوب خواته د هنوم د درې په لاره تېره شوې ده چېرته چې د یبوسیانو ښار یعنې اورشلیم پروت ؤ. دا پوله بیا د هغې غونډۍ سرته رسیږي چې د هنوم د درې په لوېدیځه خوا کې وه چېرته چې د رفائیم د درې شمالي برخه وه.

⁹له هغه ځای څخه دا پوله د نفتوح چینو او بیا هغو ښارګوټو ته تللې ده چې د عفرون غر ته نژدې وو. دا پوله هلته د بعله خواته ګرځېدلې ده چې اوس د قریت یعاریم په نوم یادیږي،

¹⁰چېرته چې دغه پوله د ادوم د غرنۍ سیمې په خوا کې د بعله د لوېدیځ څخه راچاپېره شوې ده. بیا هغه د یعاریم د غره شمالي خوا (کسالون) ته تللې، ښکته بیت شمس ته راوتلې او د تمنه څخه تېریږي.

¹¹بیا دا پوله هغې غونډۍ ته وتلې ده چې د عقرون په شمال کې ده. بیا د شکرون خواته ګرځېدلې، د بعله له غره څخه تېره شوې او یبنئیل ته راوتلې ده. دا پوله د مدیترانې په بحیره کې ختمه شوې ده

¹²او هلته یې لوېدیځه پوله جوړه کړې ده. د یهودا خلک په دې سرحدونو کې اوسېدل.

¹³څنګه چې څښتن په یوشع باندې امر کړی ؤ، د یهودا د سیمې یوه برخه د یفنه زوی کالیب ته چې د یهودا د قبیلې څخه ؤ ورکړل شوه. هغه د حبرون ښار چې د عناق د نیکه یعنې اربع پورې یې اړه درلوده ترلاسه کړ.

¹⁴کالیب د عناق اولاده یعنې د شیشای، اخیمان او تلمای طایفې له ښار څخه وشړلې.

¹⁵کالیب له هغه ځای څخه د دبیر په اوسېدونکو باندې د حملې دپاره لاړ. (دا ښار مخکې د قریت سفر په نوم یادېده.)

¹⁶کالیب وویل: ”هرچا چې قریت سفر فتح کړ، زه به خپله لور عکسه هغه ته په نکاح ورکړم.“

¹⁷عتنیئیل د کالیب د ورور قناز زوی هغه ښار ونیوه، نو کالیب خپله لور هغه ته په نکاح ورکړه.

¹⁸د واده په ورځ عتنیئیل هغه وهڅوله چې د خپل پلار څخه یو پټی وغواړي. عکسه له خپل خره څخه ښکته شوه او کالیب د هغې څخه پوښتنه وکړه: ”څه غواړې؟“

¹⁹هغې په ځواب کې وویل: ”زه د اوبو یو څو چینې غواړم. هغه ځمکه چې تا راته راکړې ده هغه په جنوبي دښته کې ده.“ نو کالیب هغې ته پورتنۍ او ښکتنۍ چینې ورکړې.

²⁰دا هغه ځمکه ده چې د یهودا د قبیلې طایفو د خپل ملکیت په توګه ترلاسه کړه:

²¹هغه لېرې جنوبي ښارګوټي چې د هغوی پورې یې تعلق درلود، یعنې هغه ښارګوټي چې د ادوم پولې ته نژدې وو دا وو: قبصئیل، عیدر، یاجور،

²²قینه، دیمونه، عدعده،

²³قادش، حاصور، یتنان،

²⁴زیف، طالم، بعلوت،

²⁵حاصور حدته، قریوت حصرون (حاصور)،

²⁶امام، شمع، مولاده،

²⁷حزر جده، حشمون، بیت فالط،

²⁸حزر شوعال، بئرشبع، بزیوتیه،

²⁹بعله، عییم، عاصم،

³⁰التولد، کسیل، حرما،

³¹صقلغ، مدمنه، سنسنه،

³²لباعوت، سلخیم، عین او رمون - د شاوخوا کلیو سره ټول نهه ویشت ښارګوټي وو.

³³هغه ښارګوټي چې د غرونو په لوېدیځو لمنو کې پراته وو: اشتاول، زرعه، اشنه،

³⁴زانوح، عین جنیم، تفوح، عینام،

³⁵یرموت، عدولام، سوکوه، عزیقه،

³⁶شعرایم، عدیتایم، جدیره او جدیروتایم - د شاوخوا کلیو سره څوارلس ښارګوټي وو.

³⁷صنان، حداشاه، مجدل جاد،

³⁸دلعان، مصغه، یقتئیل،

³⁹لاکیش، بصقت، عجلون،

⁴⁰کبون، لحمام، کتلیش،

⁴¹جدیروت، بیت داجون، نعمه او مقیده - د شاوخوا کلیو سره شپاړس ښارګوټي وو.

⁴²لبنه، عاتر، عاشان،

⁴³یفتاح، اشنه، نصیب،

⁴⁴قعیله، اکزیب او مریشه - د شاوخوا کلیو سره نهه ښارګوټي وو.

⁴⁵عقرون د شاوخوا کلیو او بانډو سره،

⁴⁶د عقرون څخه د مدیترانې تر بحیرې پورې هغه ټول ښارونه او ښارګوټي چې اشدود ته نژدې وو.

⁴⁷اشدود او غزه د هغو د ښارګوټو او کلیو سره تر هغه خوړ پورې چې د مصر په پوله کې ؤ او د مدیترانې د بحیرې تر غاړې پورې.

⁴⁸هغه ښارګوټي چې په غرنۍ سیمه کې وو: شامیر، یتیر، سوکوه،

⁴⁹دنه، قریت سفر (دبیر)،

⁵⁰عناب، اشتموع، عانیم،

⁵¹جوشن، حولون او جیلوه - د شاوخوا کلیو سره یوولس ښارګوټي وو.

⁵²اراب، دومه، اشعان،

⁵³یانوم، بیت تفوح، افیقه،

⁵⁴حمطه، قریت اربع (حبرون) او صیعور - د شاوخوا کلیو سره نهه ښارګوټي وو.

⁵⁵معون، کرمل، زیف، یوطه،

⁵⁶یزرعیل، یقدعام، زانوح،

⁵⁷قاین، جبعه او تمنه - د شاوخوا کلیو سره لس ښارګوټي وو.

⁵⁸حلحول، بیت صور، جدور،

⁵⁹معارات، بیت عنوت او التقون - د شاوخوا کلیو سره شپږ ښارګوټي وو.

⁶⁰قریت بعل (قریت یعاریم) او ربه - د شاوخوا کلیو سره دوه ښارګوټي وو.

⁶¹هغه ښارګوټي چې په دښته کې پراته وو: بیت عربه، مدین، سکاکه،

⁶²نبشان، د مالګې ښار او عین جدي - د شاوخوا کلیو سره شپږ ښارګوټي وو.

⁶³خو د یهودا خلکو نه شو کولی چې یبوسیان د اورشلیم څخه وشړي. له دې کبله هغوی تر اوسه پورې د یهودا د خلکو سره په هغه ښار کې اوسیږي.