Read Pashto (Nangahari) — د پښتو مقدس کتاب تِسالونيکانو دويم 3 Bible Online

تِسالونيکانو دويم 3 - Pashto (Nangahari) — د پښتو مقدس کتاب bible

تِسالونيکانو دويم 3

¹نو اَئے ورُوڼو! زمُونږ په حق کښے دُعا کوئ چه دَ مالِک کلام داسے زر خور شى اَؤ په عزت سره قبُول کړے شى څنګه چه په تاسو کښے

²اَؤ چه دَ بدو اَؤ ورانو خلقو نه مُونږ بچ پاتے شُو ځکه چه هر څوک ايمان نۀ راؤړى.

³خو مالِک رښتُونے دے، هغه به تاسو مظبُوط کړى اَؤ له هغه شرير نه به مو په امان کړى.

⁴اَؤ په مالِک کښے زمُونږ په تاسو باور دے چه مُونږ تاسو ته کُوم حُکمُونه درکوُو په هغوئ عمل کوئ اَؤ کوئ به ئے هم.

⁵مالِک دِ ستاسو زړُونه دَ خُدائے په مينه اَؤ دَ مسيح په صبر معمُور کړى.

⁶اَئے ورُوڼو! مُونږ دَ خپل مالِک عيسىٰ په نُوم تاسو ته حُکم درکوُو چه دَ هر هغه ورور نه په ډډه شئ چه سُست دے اَؤ په هغه تعليم عمل نۀ کوى چه هغۀ ته زمُونږ له طرفه نه ورورسيدلو.

⁷ځکه چه تاسو په خپله خبر يئ چه زمُونږ په شان څنګه چليدل په کار دى ځکه چه مُونږ په تاسو کښے سُست نۀ تلُو.

⁸اَؤ دَ چا ډوډئ مو مُفته نۀ خوړله بلکه شپه اَؤ ورځ به مو خوارى، مُشقت اَؤ کار کولو چه په تاسو کښے په چا پيټے وانۀ چوُو.

⁹دا نۀ چه مُونږ ته اِختيار نۀ وو بلکه دَ دے دَ پاره چه خپل ځانُونه تاسو ته دَ نمُونے په طور پيش کړُو، دَ پاره دَ دے چه تاسو زمُونږ په شان جوړ شئ.

¹⁰کله چه مُونږ تاسو سره وُو هغه وخت به مو هم تاسو ته دا حُکم درکولو چه چا ته چه محنت کول منظور نۀ وى نو هغه دِ ونۀ خورى.

¹¹مُونږ آؤرُو چه په تاسو کښے ځنى سُست دى اَؤ هيڅ کار نۀ کوى بلکه دَ نورو په کار کښے دخل کوى.

¹²داسے کسانو ته مُونږ دَ مالِک عيسىٰ مسيح په نُوم حُکم ورکوُو اَؤ نصيحت کوُو چه په پټه خُلۀ دِ کار کوى اَؤ خپله ډوډئ دِ په خپله ګټى.

¹³زما وروڼو! خو تاسو په ښۀ کار کښے هِمت مۀ بائيلئ.

¹⁴اَؤ که څوک زمُونږ دَ دے خط خبره نۀ منى نو هغه په نظر کښے ساتئ اَؤ دَ هغۀ نه په ډډه شئ چه هغه وشرميږى.

¹⁵خو هغه دُښمن مه ګڼئ بلکه دَ ورور په شان نصيحت ورته کوئ.

¹⁶اوس مالِک چه دَ سلامتئ سرچينه دے په خپله دِ تاسو ته هر وخت اَؤ هر قسم تسلى وبخښى. مالِک دِ ستاسو ټولو سره وى.

¹⁷زَۀ پولوس په خپل لاس سلام درته ليکم، په هر خط کښے دغه زما نخښه ده، زَۀ دغه شان ليکم.

¹⁸زمُونږ دَ مالِک عيسىٰ مسيح فضل دِ تاسو ټولو سره وى.