Read Pashto (Nangahari) — د پښتو مقدس کتاب تيموتيوس اول 3 Bible Online

تيموتيوس اول 3 - Pashto (Nangahari) — د پښتو مقدس کتاب bible

تيموتيوس اول 3

¹دا خبره رښتيا ده چه څوک چه دَ جماعت دَ مشر جوړيدلو خواهش لرى نو هغه ښۀ کار غواړى.

²نو ځکه دِ زمُونږ دَ جماعت مشر دَ اِلزام نه پاک، دَ يوے ښځے خاوند، بيدار، شريف، سم ميلمه دوست اَؤ دَ تعليم ورکولو لائق وى،

³نۀ نشئ، نۀ جګړه مار، بلکه نرم مِزاج دِ وى اَؤ نۀ تکرارى اَؤ نۀ دولت طلبه،

⁴چه دَ خپل کور په ښۀ شان بندوبست کوى اَؤ خپل بچى په ښے سنجيدګئ سره تابعدار ساتى.

⁵که چرے يو سړے دَ خپل کور په بندوبست کولو نۀ پوهيږى نو دَ خُدائے دَ جماعت به څۀ ساتنه وکړى؟

⁶هغه دِ هيڅ کله هم نوے ايماندار نۀ وى، چه ونۀ پړسيږى، هسے نۀ چه دَ ابليس په شان سزا ومُومى.

⁷اَؤ په کار دى چه دَ جماعت نه په بهر خلقو کښے دِ هم نيکنام وى، هسے نۀ چه په ملامتيا اَؤ دَ اِبليس په جال کښے پريوزى

⁸هم دغه شان خادِمان دِ هم ادب ناک وى. دوه ژبى اَؤ شرابيان اَؤ دَ نا جائزے ګټے لالچيان دِ نۀ وى.

⁹اَؤ دَ ايمان راز دِ په پاک زړۀ کښے قائم ساتى.

¹⁰اَؤ دوئ دِ هم اول و آزمائيلے شى، دَ هغے نه پس که چرے بے اِلزامه ثابت شو نو دَ خدمت کار دِ وکړى.

¹¹دغه شان دَ هغوئ ښځے دِ هم ادب ناکے وى، غيبت کووُنکے دِ نۀ وى بلکه بيدارے اَؤ په ټولو خبرو کښے دِ ايماندارے وى.

¹²يو خادم دِ تش دَ خپلے يوے ښځے خاوند وى، اَؤ دَ خپلو بچو اَؤ دَ خپل کور دِ په ښۀ شان بندوبست کوى.

¹³ځکه چه څوک چه دَ خدمت کار په ښۀ شان کوى، هغه دَ خپل ځان دَ پاره ښه مرتبه اَؤ په هغه ايمان کښے چه په مسيح عيسىٰ باندے دے، ډيره زړه ورتيا لرى.

¹⁴سره دَ دے چه زَۀ تا ته زر دَ درتلو اُميد لرم خو بيا هم دا خبرے ځکه درته ليکم،

¹⁵چه که زما په درتلو کښے ډيل وشى نو چه تا ته معلُومه شى چه دَ خُدائے په کور کښے، يعنے دَ ژوندى خُدائے په جماعت کښے کُوم چه دَ حق ستن اَؤ بنياد دے، څنګه سلُوک کول په کار دى.

¹⁶په دے کښے هيڅ شک نِشته چه دَ ديندارئ راز لوئے دے، يعنے : هغه چه دَ اِنسان په شکل کښے ظاهر شو، اَؤ دَ رُوح په وسيله رښتُونے پاتے شو اَؤ فرښتو هغه وليدو، اَؤ په قومونو کښے دَ هغۀ پيغام خور شو، اَؤ په دُنيا کښے خلقو په هغۀ ايمان راؤړو، اَؤ په جلال کښے پاس اُوچت کړے شو.