Read Pashto (Nangahari) — د پښتو مقدس کتاب تيموتيوس دويم 3 Bible Online

تيموتيوس دويم 3 - Pashto (Nangahari) — د پښتو مقدس کتاب bible

تيموتيوس دويم 3

¹خو بيا دا ياد لره چه په آخرى ورځو کښے به بد وختُونه راځى.

²اِنسان به خود غرضه، دَ زرو دوست، لافے کوُونکے، مغروره، بد زبانه، دَ مور پلار نافرمانه، ناشکره، بے دينه.

³بے مروته، سخت زړۀ، الزام لګوُونکے، نۀ زغمُونکے، تُند مِزاجه، دَ نيکئ دُښمن،

⁴دوکه باز، بے پرواه، کبرژن، دَ خُدائے په نسبت عيش زيات خوښوُونکے وى.

⁵هغوئ خو به په ظاهره دَ ديندارئ نمائش کوى خو اثر به ئے نۀ قبلوى. نو دَ داسے خلقو نه ځان ساته.

⁶په دوئ کښے هغه خلق دى څوک چه کُورونو ته په څۀ چلول ورننوزى اَؤ هغه خرابے ښځے قابُو کوى څوک چه په ګُناهُونو کښے راګيرے وى اَؤ دَ قِسما قِسم خواهشُونو په ولقه کښے وى.

⁷اَؤ سره دَ دے چه داسے ښځے هميشه دَ زده کولو کوشِش کوى خو دَ حق پيژندو ته نۀ وررسى.

⁸اَؤ څۀ رنګ چه ينيس اَؤ يمبريس دَ مُوسىٰ مُخالفت کړے وو، هغه رنګ دوئ هم دَ حق مُخالفت کوى. دا هغسے خلق دى دَ چا عقل چه وران شوے وى اَؤ دَ ايمان په مُطابق قبُول شوے نۀ وى.

⁹خو هغوئ به ترقى ونۀ کړى ځکه چه دَ هغوئ ناپوهتيا به په ټولو خلقو ظاهره شى لکه چه دَ هغوئ هم ظاهره شوے وه.

¹⁰خو تۀ زما دَ تعليم، چال چلن اَؤ دَ ژوند دَ مقصد نه ښۀ خبر يئے اَؤ تا ته زما ايمان، زغم، مينه اَؤ صبر هم معلُوم دى.

¹¹تۀ خبر يئے چه ما څنګه تکليفُونه وزغمل اَؤ څنګه وربړولے شوم، يعنے هغه تکليفُونه چه په اَنطاکيه، اِکونيوم اَؤ په لُستره کښے په ما راغلل خو مالِک زَۀ دَ هغو ټولو نه بچ کړلم.

¹²بلکه هر څوک چه دَ مسيح عيسىٰ په يووالى کښے په ديندارئ ژوند تيرول غواړى، هغوئ ټول به وربړولے شى.

¹³اَؤ خراب اَؤ دوکه باز سړى به په دوکه ورکولو اَؤ دوکه خوړلو لا زيات ورانيږى.

¹⁴خو تۀ په هغه خبرو چه تا زده کړے دى اَؤ دَ کُومو چه تا ته يقين درکړے شوے وو، په دے نيت قائم اوسه چه تا هغه دَ کُومو خلقو نه زده کړے وے.

¹⁵اَؤ تۀ دَ وړُوکوالى راسے دَ هغو پاکو نوشتو نه خبر يئے، کُومے چه تا ته په عيسىٰ مسيح دَ ايمان راوړلو دَ خلاصون مُوندلو دَ پاره پوهه دربخښلے شى.

¹⁶هره صحيفه دَ خُدائے دَ رُوح دَ اِلهام په وسيله ده اَؤ دَ تعليم اِلزام، اِصلاح اَؤ صداقت دَ تربيت دَ پاره فائده مند هم.

¹⁷دَ دے دَ پاره چه دَ خُدائے بنده کامل شى اَؤ دَ هر نيک کار دَ پاره بلکل تيار شى.