Read Pashto Bible (Yusufzai) — د پښتو مقدس کتاب پيدايښت 10 Bible Online

پيدايښت 10 - Pashto Bible (Yusufzai) — د پښتو مقدس کتاب bible

پيدايښت 10

¹دا د نُوح د زامنو، د سِم، حام اؤ يافت اولاد دے، چې د سېلاب نه پس د هغوئ زامن پېدا شول.

²دا د يافت اولاد دے : جُمر، ماجوج، مادى، ياوان، توبال، مسک اؤ تيراس.

³د جُمر اولاد د اشکناز، ريفت اؤ د تُجرمه خلق وُو.

⁴د ياوان اولاد د اِليسه، سپېن، قبرص اؤ رهودس خلق وُو،

⁵د دوئ اولاد د سمندر په غاړه اؤ په جزيرو کښې اوسېږى. دا د يافت اولاد دے، چې په بېلو بېلو قبيلو اؤ وطنُونو کښې اوسېږى اؤ هره ډله خپله خپله ژبه وائى.

⁶دا د حام اولاد دے : کُوش، مِصر، ليبيا اؤ کنعان.

⁷د کُوش اولاد د شيبا، حويله، سبته، راماه اؤ د سبتيکه خلق دى. د راماه اولاد د شيبا اؤ د دَدان خلق دى.

⁸د کُوش زوئ نمرُود پېدا شو، چې هغه د دُنيا وړومبے طاقتور جنګيالے وو.

⁹د مالِک خُدائ په مدد هغه يو لوئ ښکارى وو، نو ځکه خلق وائى، ”مالِک خُدائ دې د نمرُود په شان لوئ ښکارى کړه.“

¹⁰د هغۀ بادشاهى وړومبے په بابل، ارک اؤ اِکاد وه، دا درې واړه د بابل په وطن کښې وُو.

¹¹د دې وطن نه هغه اسُور ته لاړو اؤ د نينيوه، رحوبوت عير، کلح،

¹²اؤ د رسن ښارونه يې جوړ کړل، رسن د نينيوه اؤ د لوئ ښار کلح په مېنځ کښې دے.

¹³د مِصر اولاد د لُودى، عنامى، لهابى، نفتوحى،

¹⁴فتروسى، کسلوحى اؤ د کريت خلق وُو، چې د هغوئ اولاد فلسطينيان دى.

¹⁵د کنعان اولاد دا دے : صيدا مشر زوئ اؤ بشامه.

¹⁶د دې نه علاوه يبُوسى، امورى، جِرجاسى،

¹⁷حِوى، عرقى، سينى،

¹⁸اروادى، صمارى اؤ حماتى هم د کنعان د اولاد خلق دى. د کنعانيانو بېلې بېلې قبيلې خورې شوې،

¹⁹چې د کنعانيانو وطن شمالى طرف صيدا نه جرار ته نزدې، تر غزه پورې ورسېدو اؤ نَمرخاتۀ طرف صُدوم ته، عمُوره، ادمه اؤ لسع ته، چې ضِبيان ته نزدې دے.

²⁰دا د حام اولاد دے، چې په بېلو بېلو قبيلو اؤ وطنُونو کښې اوسېږى اؤ هره ډله خپله خپله ژبه وائى.

²¹ټول عبرانيان د سِم اولاد دے، سِم د يافت مشر ورور دے.

²²دا د سِم اولاد دے چې نومُونه يې عيلام، اسُور، ارفکسد، لُود اؤ ارام دى.

²³د ارام اولاد د عُوض، حُول، جتر اؤ د مس خلق دى.

²⁴ارفکسد د سِلح پلار وو، چې هغه د عيبر پلار وو.

²⁵د عيبر دوه زامن وُو : د يو نُوم فِلِګ وو، ځکه چې په هغه وخت کښې د دُنيا خلق خوارۀ وارۀ شوى وُو، اؤ د بل نُوم يُقطان وو.

²⁶د يُقطان اولاد د الموداد، سلف، حصارماوت، اِراخ،

²⁷هدورام، اُوزال، دِقله،

²⁸عوبل، ابى‌مائيل، شيبا،

²⁹اوفير، حويله اؤ د يوباب خلق دى. دا ټول د يُقطان اولاد دے.

³⁰چې دوئ په کُوم وطن کښې اوسېدل هغه وطن د ميسا نه سِفار پورې اُوږد وو چې نَمرخاتۀ طرف ته د غرُونو په وطن کښې دے.

³¹دا د سِم اولاد دے، چې په بېلو بېلو قبيلو اؤ وطنُونو کښې اوسېږى اؤ هره ډله خپله خپله ژبه وائى.

³²دا ټول خلق نسل په نسل، د بېلو بېلو نسب‌نامو په مُطابق د نُوح اولاد دے. د سېلاب نه پس د دُنيا ټول قومُونه د نُوح د زامنو اولاد دے.