Read Pashto Bible (Yusufzai) — د پښتو مقدس کتاب اول پادشاهان 6 Bible Online

اول پادشاهان 6 - Pashto Bible (Yusufzai) — د پښتو مقدس کتاب bible

اول پادشاهان 6

¹د بنى اِسرائيلو د مِصر نه د راوتلو څلور سوه او اتيا کاله پس، په بنى اِسرائيلو باندې د سليمان د بادشاهۍ په څلورم کال، په دويمه يعنې د زيو په مياشت کښې، سليمان د مالِک خُدائ په کور باندې کار شروع کړو.

²دننه دا تقريباً دېرش ګزه اُوږده، لس ګزه پلنه او پينځلس ګزه اُوچته وه.

³د ننوتو کوټه تقريباً پينځۀ ګزه پلنه او لس ګزه اُوږده وه، هغه مقدس ځائ هم دغه هومره پلن وو.

⁴د هغه کور په دېوالونو باندې تنګې کړکۍ لګېدلې وې.

⁵هغۀ د خُدائ پاک د کور په دوو طرفُونو او شاته نورې کوټې جوړې کړې.

⁶د دې کوټو درې درې منزلونه وُو. لاندينۍ کوټه تقريباً دوه نيمه ګزه پلنه، دويمه کوټه درې ګزه پلنه او آخرى کوټه درې نيم ګزه پلنه وه. د مالِک خُدائ د کور په دېوالونو کښې سورى نۀ وُو جوړ کړے شوى، څۀ کاڼى بهر راوتلى شوى وُو چې د چت تيرونه ورباندې پراتۀ وُو.

⁷د کومو کاڼو نه چې د مالِک خُدائ کور جوړ شوے وو هغه په کان کښې تيار شوى وُو، نو چې کله هغه کور جوړېدو، نو د سټکو، تېشو، يا د اوسپنو د نورو آوزارو آواز د خُدائ پاک په کور کښې نۀ وو اورېدلے شوے.

⁸د لاندينى منزل دروازه د مالِک خُدائ د کور جنوبى طرف ته وه، چې دويم او دريم چت ته يې پوړۍ ختلې وې.

⁹نو سليمان بادشاه د هغه کور جوړول ختم کړل. هغۀ ورله يو چت جوړ کړو چې د تيرونو او د دِيار د تختو نه جوړ وو.

¹⁰هغۀ د کور په درې طرفُونو باندې کوټې جوړې کړې، چې د کور د دېوالونو سره د دِيار په تيرونو باندې مِلاو وې. هره يوه کوټه دوه نيمه ګزه اُوچته وه.

¹¹مالِک خُدائ سليمان ته ووئيل،

¹²”چې تۀ د مالِک خُدائ کور جوړوې نو ياد ساته چې زما په ټول قانون او حُکمونو باندې بهعمل کوې، نو زۀ به ستا دپاره هغه څۀ وکړم چې ما ستا د پلار داؤد سره د هغې وعده کړې ده.

¹³زۀ به د خپلو خلقو بنى اِسرائيلو سره په دې کور کښې اوسېږم او زۀ به هيڅ کله هغوئ پرې نۀ ږدم.“

¹⁴نو سليمان د هغه کور جوړول پوره کړل.

¹⁵دننه دېوالونه د بېخ نه واخله تر چته پورې د دِيار په تختو پټ کړے شوى وُو او فرش يې د نختر نه جوړ وو.

¹⁶دننه کوټه چې زيات مقدس ځائ بللے شو هغه د مالِک خُدائ د کور شاته جوړه وه. هغه تقريباً لس ګزه اُوږده وه او د دِيار په تختو باندې په مينځ دوه ځائ بېله شوې وه چې د فرش نه تر چت پورې رسېدلې وې.

¹⁷د زيات مقدس ځائ په مخکښې لويه کوټه تقريباً شل ګزه اُوږده وه.

¹⁸د دِيار تختې د کدو او د ګلونو په ګلګارۍ باندې ښائسته کړے شوې وې، دنننۍ ټوله حِصه په دِيار پټه وه او د دېوال کاڼى نۀ ښکارېدل.

¹⁹د هغه کور شاته يوه دنننۍ کوټه جوړه شوې وه، چرته چې د مالِک خُدائ د لوظ صندوق اېښودے شو.

²⁰دنننۍ کوټه لس ګزه اُوږده، لس ګزه پلنه او لس ګزه اُوچته وه، چې ټوله په سوچه سرو زرو پټه وه. قربان‌ګاه د دِيار په تختو باندې پټه وه.

²¹د مالِک خُدائ د کور دنننۍ برخه په سرو زرو باندې پټه وه او د زيات مقدس ځائ د ننوتلو دروازې د حِفاظت دپاره د سوچه سرو زرو زنځيرونه لګولى شوى وُو.

²²د هغه کور ټوله دنننۍ حِصه په سرو زرو پټه وه او په ډېر مقدس ځا‌ئ کښې قربان‌ګاه هم په سرو زور پټه وه.

²³د وزرو والا دوه مخلوق د زيتُونو لرګى نه جوړ وُو او په زيات مقدس ځائ کښې ايښى شوى وُو، چې هر يو تقريباً پينځۀ ګزه لوړ وو.

²⁴۲۴‏-۲۶ دواړه يو هومره او په يو شکل وُو. د هر يو تقريباً درې ګزه اُوږدۀ وزر وُو، نو د يو وزر د يو سر نه د بل وزر د سر پورې فاصله پينځه ګزه وه.

²⁷دا په زيات مقدس ځائ کښې څنګ په څنګ ايښے شوى وُو، نو داسې د دې خوارۀ وزر د يو بل سره د کوټې په مينځ کښې لګېدل او هغه نور دوه وزر د دېوالونو سره لګېدل.

²⁸د وزرو والا دواړه مخلوق په سرو زرو باندې پټ وُو.

²⁹د مينځنۍ کوټې او دنننۍ کوټې ټول دېوالونه د وزرو والا مخلوق، د کهجورو ونو او د ګلونو په ګلګارۍ ښائسته کړے شوى وُو.

³⁰او دننے او بهرنے فرش هم په سرو زرو باندې پټ وو.

³¹د زيتُونو لرګى نه جوړې دوه دروازې د زيات مقدس ځائ په خولهٔ کښې لګولے شوې وې، د دروازې د چوکاټ بازوګان پينځۀ مخيز وُو.

³²دروازې د وزرو والا مخلوق باندې، د کهجورو ونو او د غړېدلو شوو د ګلونو په ګلکارۍ باندې ښائسته کړې شوې وې. دا ټول څيزُونه په سرو زرو باندې پټ کړے شوى وُو.

³³مينځنۍ کوټې ته ننوتو دروازې د چوکاټ دپاره د زيتُونو د لرګى نه څلور مخيز بازوګان جوړ کړے شوى وُو.

³⁴د نختر د لرګى نه دوه دروازې هم جوړې کړے شوې وې چې دې دروازو به په مينځ کښې هم د کولاوېدو او بندېدو قبضې لرلې.

³⁵او دا دروازې د وزرو والا مخلوق، د کهجورو ونو او غړېدلو شوو ګلونو په ګلکارۍ باندې ښائسته کړے شوې وې، چې په سرو زرو يو شان پټې وې.

³⁶د مالِک خُدائ د کور په مخکښې يو دنننے دربار جوړ کړے شوے وو چې د کاڼى هرې دريمې ردې نه پس يې د دِيار د لرګى تېرونه وُو.

³⁷د مالِک خُدائ د کور بُنياد د سليمان د بادشاهۍ په څلورم کال په دويمه يعنې د زيو په مياشت کښې ايښے شوے وو.

³⁸په اتمه يعنې د بول په مياشت کښې، د سليمان د بادشاهۍ په يولسم کال هغه کور په پوره توګه هم هغه شان جوړ شوو، چې څنګه د دې منصُوبه جوړه شوې وه. د دې په جوړېدو باندې د سليمان اووۀ کاله لګېدلى وُو.