Read Pashto Bible (Yusufzai) — د پښتو مقدس کتاب تاريخ اول 27 Bible Online

تاريخ اول 27 - Pashto Bible (Yusufzai) — د پښتو مقدس کتاب bible

تاريخ اول 27

¹دا د بنى اِسرائيلو د وړو او غټو آفسرانو، او د نورو فوجى آفسرانو تفصيل دے چا چې د بادشاهۍ د فوجى ډلو مشرى کوله. د هرې ډلې څلريشت زره فوجيانو د کال په يوه مياشت کښې فوجى خِدمت کولو.

²۲‏-۱۵ دا د هرې مياشتې دپاره فوجى آفسران وُو: اوله مياشت: د زبدى اېل زوئ يسوبعام چې هغه د فارص د ډلې يو کس وو، چې دا د يهوداه قبيلې يوه حِصه ده. دويمه مياشت: د اخيوى اولاد دودى. مِقلوت په هغۀ پسې دويم مشر وو. دريمه مياشت: د يهويدع اِمام زوئ بناياه، دا د هغه ډلې مشر وو چې ”دېرش ګون“ بللې شوه. د هغۀ زوئ عميزباد د هغۀ نه پس د دې ډلې مشر جوړ شو. څلورمه مياشت: د يوآب ورور عساهيل. د هغۀ نه پس د هغۀ زوئ زبدياه مشر جوړ شو. پينځمه مياشت: د اِضهار د ډلې نه سمهُوت. شپږمه مياشت: د تقوع د عقيس زوئ عيرا. اوومه مياشت: د فلون د علاقې نه د اِفرائيم د قبيلې نه خلص. اتمه مياشت: د حُوسه سِبکى هغه د زارح د ډلې وو، چې د يهوداه د قبيلې يوه برخه وه. نهمه مياشت: د بنيامين قبيلې په علاقه کښې د عنتوت نه ابيعزر. لسمه مياشت: د نطوفه مهرى هغه د زارح د ډلې کس وو. يولسمه مياشت: د اِفرائيم په علاقه کښې د فرعاتون نه بناياه. دولسمه مياشت: د نطوفه خلدى هغه د عُتنى اېل اولاد وو.

¹⁶۱۶‏-۲۲ دا د بنى اِسرائيلو د قبيلو د مشرانو تفصيل دے: د روبين د زکرى زوئ اليعزر، د شمعون د معکه زوئ سفطياه، د ليوى د قمو اېل زوئ حسبياه، د هارون صدوق، د يهوداه اليهُو، چې د داؤد بادشاه يو ورور وو، د يساکار د ميکائيل زوئ عُمرى، د زبولون د عبدياه زوئ اِسماعيه، د نفتالى د عزريئيل زوئ يريموت، د اِفرائيم د عززياه زوئ هوسيع، د نمرپرېواتۀ منسى د فداياه زوئ يوئيل، د نَمرخاتۀ منسى د زکرياه زوئ عدو، د بنيامين د ابنير زوئ يعسى اېل، د دان د قبيلې د عزر اېل زوئ يروحام.

²³د کومو خلقو عُمر چې د شلو کالو نه کم وو نو داؤد بادشاه د هغوئ مردم‌شمارى ونۀ کړه، ځکه چې مالِک خُدائ وعده کړې وه چې هغه به بنى اِسرائيليان د آسمان د ستورو په شان ډېر تېر کړى.

²⁴د ضروياه زوئ يوآب مردم‌شمارى شروع کړه، خو مکمله يې نۀ کړه. خُدائ پاک د مردم‌شمارۍ په وجه بنى اِسرائيلو له سزا ورکړه، نو ځکه د داؤد بادشاه په سرکارى حِساب کِتاب کښې د هغې آخرى تعداد ونۀ ليکلے شو.

²⁵۲۵‏-۳۱ دا د هغه کسانو تفصيل دے چا چې د شاهى جائيداد اِنتظام کولو: د عدى ايل زوئ عزماوت د شاهى ګودامونو مشر وو. د عُزياه زوئ يُونتن د هغه وړو ګودامونو مشر وو کوم چې په کلو، وړو ښارونو او قلعو کښې وُو. د کلوب زوئ عزرى د پټو د زميدارانو مشر وو. د راما سِمعى د انګورو د باغونو مشر وو. د شفمى زبدى د شرابو د جوړولو مشر وو. د جدر نه بعل حنان د نمرپرېواتۀ د غرونو په لمن کښې د زيتُونو او د چِنار د ونو مشر وو. يوآس د زيتُونو تېلو ذخيره کولو مشر وو. د شارون سِطرى د شارون په مېدان کښې د څاروو ذِمه وار وو. د عدلى زوئ سافط په وادۍ کښې د څاروو ذِمه وار وو. يو اِسمٰعيلى اوبِل د اُوښانو ذِمه وار وو. د مرونوت يهدياه د خرونو ذِمه وار وو. يو هاجرى يازيز د ګډو او چېلو ذِمه وار وو.

³²د داؤد بادشاه ترۀ يُونتن يو تکړه مشير او عالِم وو. هغه او د حکمونى زوئ يحى ايل د بادشاه د زامنو د تعليم ذِمه وار وُو.

³³اخيتُفل د بادشاه مشير وو او حُوسه ارکيائ د بادشاه ملګرے وو.

³⁴د اخيتُفل د مرګ نه پس، ابياتار او د بناياه زوئ يهويدع مشيران جوړ شول. يوآب د شاهى فوج مشر وو.