Read Pashto Bible (Yusufzai) — د پښتو مقدس کتاب هجرت 1 Bible Online

هجرت 1 - Pashto Bible (Yusufzai) — د پښتو مقدس کتاب bible

هجرت 1

¹د يعقُوب د زامنو نومُونه دا دى چا چې خپلې خپلې کورنۍ د ځان سره کړې اؤ مِصر ته لاړل :

²روبين، شمعُون، ليوى، يهُوداه،

³يساکار، زبولون، بنيامين،

⁴دان، نفتالى، جاد اؤ اشير.

⁵د يعقُوب ټول زامن اؤ نمسى په شمېر کښې اؤيا کسان وُو. يُوسف د مخکښې نه په مِصر کښې وو.

⁶يُوسف د هغۀ ټول ورُوڼه اؤ هغه ټول نسل يو يو مړ کېدلو،

⁷خو د هغوئ د اولاد د بنى اِسرائيلو ډېر بچى پېدا شول اؤ ډېر زيات اؤ طاقتور شول اؤ ټول وطن د هغوئ نه ډک شو.

⁸بيا په مِصر يو نوے بادشاه راغلو چې هغۀ ته د يُوسف په باره کښې هيڅ معلُومات نۀ وُو.

⁹هغۀ خپلو خلقو ته ووئيل، ”ګورئ! دا بنى اِسرائيل ډېر زيات اؤ تکړه شول اؤ دوئ زمُونږ د پاره خطرناک دى.

¹⁰راځئ! چې د دوئ سره يو چل وکړُو ګنى دوئ به زيات شى اؤ کۀ زمُونږ اؤ د دوئ په مېنځ کښې جنګ راشى نو دوئ به زمُونږ خِلاف زمُونږ دُښمنان را يو ځائ کړى اؤ کېدے شى چې د دې وطن نه وتښتى. مُونږ له داسې څۀ کول په کار دى چې دوئ نور زيات نۀ شى.“

¹¹نو مِصريانو په اِسرائيليانو باندې مشران مُقرر کړل چې په زور يې ترې نه کار اخستو. اِسرائيليانو د فِرعون د پاره د پتوم اؤ رعمسيس ښارُونو نه ګودامُونو جوړ کړل.

¹²خو چې هغوئ ورباندې څومره ظلم زياتے کولو نو دومره په وطن کښې خورېدل. مِصريان د هغوئ نه ويرېدل اؤ د بنى اِسرائيلو سره يې کينه شروع کړه

¹³اؤ مِصريانو په دوئ باندې ظلم زياتے کولو اؤ د دوئ ژوند يې تريخ کړو. هغوئ په دوئ باندې د خَښتې، خټې اؤ په خپلو پټو کښې کار کولو اؤ په دوئ باندې يې هيڅ رحم نۀ کولو.

¹⁵بيا د مِصر بادشاه سِفره اؤ فوعه، هغو دوه دايڼو ته ووئيل کُومو به چې د عبرانيانو ښځو مدد کولو،

¹⁶”چې کله تاسو د عبرانيانو ښځو د بچى د پېدا کېدو په وخت مدد کوئ اؤ هغوئ د بچى د زېږيدلو په ځائ ناستې ووينئ نو کۀ هغه پېدا کېدُونکے زوئ وى نو وې وژنئ، خو کۀ هغه لُور وى نو ژوندئ يې پرېږدئ.“

¹⁷خو دايڼې د خُدائ پاک نه يرېدلې اؤ د بادشاه حُکم يې ونۀ منلو اؤ هغوئ نران ماشُومان ژوندى پرېښودل.

¹⁸نو بادشاه دايڼې راوغوښتلې اؤ د هغوئ نه يې تپوس وکړو، ”تاسو ولې داسې کوئ؟ تاسو نران بچى ولې ژوندى پرېږدئ؟“

¹⁹هغوئ هغۀ ته ووئيل، ”عبرانۍ ښځې د مِصريانو ښځو په شان نۀ دى، د دوئ په آسانۍ سره بچى پېدا کېږى اؤ هلته زمُونږ د رسېدو نه مخکښې د دوئ ماشُومان پېدا کېږى.“

²⁰دايڼې د خُدائ پاک نه يرېدلې نو خُدائ پاک د هغوئ سره ښۀ وو اؤ د هغوئ کورُونه يې ودان کړل. اؤ اِسرائيليان زياتېدل اؤ طاقتور شول.

²²په آخِر کښې بادشاه خپلو ټولو خلقو له حُکم ورکړو چې : ”د عبرانيانو هر يو پېدا شوے بچے راوړئ اؤ د نيل درياب کښې يې وغورزوئ، خو جينکۍ به ژوندۍ پرېږدئ.“