Read Pashto Bible (Yusufzai) — د پښتو مقدس کتاب زبور 1 Bible Online

زبور 1 - Pashto Bible (Yusufzai) — د پښتو مقدس کتاب bible

زبور 1

¹نو هغه بختور دے او بختور به وى څوک چې د بد عملو په خبرو عمل نۀ کوى، په لار د ګناهګارو چې تلل نهٔ کوى، د مسخره کونکو په ډله کښې چې نهٔ کښينى.

²خو په قانون د مالِک خُدائ چې خوشحاليږى، شپه او ورځ چې د هغۀ په شريعت غور کوى.

³نو هغه به د داسې ونې په مثال وى، کومه ونه چې د ولې په غاړه نال وى، مېوه کوى په موسم کښې مېوه داره وى پاڼې یې تل شنې وی او په ‎ژوندون کښې کاميابه وى.

⁴خو بدعمله داسې نهٔ دی، دوئ لکه د بوسو په شان وی، د هوا سره الوځى په ځای به پاتې نهٔ شی.

⁵نو ځکه په وخت د عدالت به بدعمله مجرم شی، ګناهګاران به د صادِقانو سره شمیرلے نۀ شی.

⁶بې شکه مالِک خُدائ د صادِقانو د لارې خيال ساتى، په لار د تباهئ خو بدعمله ورروان وی.