Read Pashto Bible (Yusufzai) — د پښتو مقدس کتاب زبور 11 Bible Online

زبور 11 - Pashto Bible (Yusufzai) — د پښتو مقدس کتاب bible

زبور 11

¹زۀ د مالِک خُدائ په پناه کښې یم. تهٔ ولې راته وايې، ”لکه د مارغۀ چې غر ته والوځم،

²ګوره بدعمله خپله لينده راکاږی او غشې ويشتو ته برابروی، او د پټ ځائ نه په نېکانو باندې يې ورَوی.

³هرکله چې بُنيادونه ورانولے شی، نو رښتونى خلق به څۀ وکړے شی؟“

⁴مالِک خُدائ په خپل مقدس کور کښې دے، هم اوس مالِک خُدائ د خپل آسمانى تخت نه بادشاهی کوی. هر یو اِنسان هغه په خپله د نزدې نه ګورى، او په زمکه هر یو کس آزمائی.

⁵مالِک خُدائ صادِقان او بدکاران دواړه معلوموی، هغه د هغوئ نه نفرت کوی څوک چې ظُلمونه خوښوی.

⁶هغه به په بدکارانو او شريرانو بَل سکارهٔ او تاوده ګوګړ ورَوی، په سوزوونکو هواګانو سره ورته سزا ورکوی.

⁷بې شکه صادِق خُدائ د اِنصاف سره مینه کوی، او نيکان خلق به د هغهٔ د مخ ديدن کوی.