Read Pashto Bible (Yusufzai) — د پښتو مقدس کتاب زبور 121 Bible Online

زبور 121 - Pashto Bible (Yusufzai) — د پښتو مقدس کتاب bible

زبور 121

¹ما خپلې سترګې غرونو ته نيولې دی. چې زما مدد به د کوم ځايه راځی؟

²زما مدد د مالِک خُدای نه راځی، چې د زمکې او آسمان جوړونکے دے.

³ستا خپې به هغه ښوئيدو ته نۀ پرېږدی، هغه څوک چې ستا حِفاظت کوی هغۀ له خوب نۀ ورځی.

⁴په حقیقت کښې هغه څوک چې د بنى اِسرائيلو حفاظت کوی، هغهٔ ته نۀ خوب جوټه ورکوی او نۀ اودهٔ کیږی.

⁵مالِک خُدائ ستاسو حفاظت کوی، مالِک خُدائ لکه د سورې په شان تا سره دے.

⁶په ورځ کښې به نمر تکلیف نهٔ در کوی، او نۀ به سپوږمۍ په شپه کښې نقصان درکوی.

⁷مالِک خُدائ به ستاسو د هر مصيبت نه حفاظت کوی، هغه به ستا په ژوند باندې نظر ساتی.

⁸مالِک خُدائ به ستا په تلو راتلو کښې حفاظت کوی، د اوس نه تر ابده پورې به ستا حفاظت کوی.