Read Pashto Bible (Yusufzai) — د پښتو مقدس کتاب زبور 122 Bible Online

زبور 122 - Pashto Bible (Yusufzai) — د پښتو مقدس کتاب bible

زبور 122

¹ما به د هغوئ سره خوشحالی کوله چا چې به ما ته وئيل، ”راځئ چې د مالِک خُدائ کور ته ځو.“

²اے يروشليمه اوس مونږ ستا په دروازو کښې ولاړ يُو.

³یروشلیم د هغه ښار په شان جوړ شوے دے، چې ټول ښار د یو بل پسې پیوسته جوړ شوے وی.

⁴چرته چې د بنی اِسرائيلو قبيلې بره ورخيژی، د مالِک خُدائ قبيلې ورخېژی، چې د مالِک خُدائ د نوم ثناء ووائى، د هغه شریعت په مطابق چې بنی اِسرائيلو ته ورکړے شوے دے.

⁵هلته د اِنصاف دپاره د عدالت تختونه قائم دی، د داود د کورنۍ تختُونه قائم دی.

⁶د یروشلیم د سلامتیا دپاره دعا وغواړه، ”او څوک چې کوى تا سره مینه آباد دې وی.

⁷او ستا په دیوالونو کښې دې سلامتیا وی، او ستا په برجونو کښې دې امن او قرارې وی.“

⁸زما د وروڼو او دوستانو په خاطر يې غواړم، ”په تا کښې دې امن او سلامتى وی،“ زهٔ به دا وایم.

⁹او زمونږ د مالِک خُدائ او خُدائ پاک د کور په خاطر يې غواړم، او زۀ به ستا خیر خواه يم.