Read Pashto Bible (Yusufzai) — د پښتو مقدس کتاب زبور 127 Bible Online

زبور 127 - Pashto Bible (Yusufzai) — د پښتو مقدس کتاب bible

زبور 127

¹ترڅو چې مالِک خُدائ یو کور جوړ نهٔ کړى، د هغې د جوړونکی محنت بې‌کاره دے. تر څو چې د خُدائ نظر په ښار نهٔ وی، د هغې چوکیداران بې‌کاره ولاړ وی.

²خوراک پسې وختى پاڅيدل او تر ناوخته ويښ پاتې کيدل بې فائدې دی، خُدائ پاک چې چا سره مينه کوی کۀ هغه اودهٔ وى نو ورته خوراک ورکوی.

³د مالِک خُدائ د طرف نه زامن میراث دے، ماشومان د هغهٔ د خوا نه اجر دے.

⁴لکه څنګه چې د جنګیالی په لاس کښې غشى وی، داسې وى لکه د چا چې په ځوانئ کښې زامن وی.

⁵هغه څوک به بختور وی، چې د چا چې تيلئ د دغه شان غشو نه ډکه وی، نو دوئ به ونهٔ شرمولے شی، کله چې دوئ د ښار په دروازو کښې د دشمن سره په مقابله شی.