Read Pashto Bible (Yusufzai) — د پښتو مقدس کتاب زبور 130 Bible Online

زبور 130 - Pashto Bible (Yusufzai) — د پښتو مقدس کتاب bible

زبور 130

¹اے مالِکه خُدايه، لاندې د ژورې نه تا ته ژړا کومه،

²مالِکه خُدايه، زما ژړا ته غوږ شه، او په ما رحم وکړه.

³اے مالِکه خُدايه، کۀ تا، د ګناهونو حساب کړے وے، اے مالِکه خُدايه، نو څوک ستا مخکښې اودريدے شی؟

⁴خو ستا سره د معافئ امکان شته دے، نو په دې وجه خُدايه، چې مونږ ستا په یره وپوهيږُو.

⁵زهٔ د مالِک خُدائ انتظار کومه، او زما روح هم انتظار کوی، او زما اُميد د هغهٔ په کلام باندې دے.

⁶زما روح د مالِک خُدائ انتظار کوی، د يو څوکيدار نه زیات څوک چې د سحر کيدو انتظار کوی، او، د يو څوکيدار نه زیات څوک چې د سحر کيدو انتظار کوی،

⁷اے بنی اِسرائيله، په مالِک خُدائ اُميد ساتئ، د مالِک خُدائ مينه ابدې ده او د هغۀ سره پوره خلاصُون دے.

⁸او هغه په خپله به د هغوئ د ټولو ګناهونو نه د بنى اِسرائيلو فدیه ورکړی.