Read Pashto Bible (Yusufzai) — د پښتو مقدس کتاب زبور 132 Bible Online

زبور 132 - Pashto Bible (Yusufzai) — د پښتو مقدس کتاب bible

زبور 132

¹اے مالِکه خُدایه داود ياد ساته او ټول هغه کړاونه کوم چې هغهٔ وزغمل ياد ساته.

²هغهٔ د مالِک خُدائ سره قسم وخوړلو او د یعقوب د قادر مطلق خُدائ پاک سره يې وعده وکړه،

³”او زهٔ به خپل کور ته نهٔ ورننوځم او نۀ به خپل کټ کښې آرام وکړم.

⁴او نۀ به سترګې پټې کړم او نۀ به سترګې مرغئ کيدو ته پريږدم،

⁵تر دې چې مالِک خُدائ له ځائ پېدا کړم، او د يعقوب قادر خُدائ له د اوسېدو ځائ پیدا کړم.“

⁶مونږ د تړون د صندوق ذکر په افراته کښې واوريدلو، او مونږ هغه د يعريم په ملک کښې وموندلو.

⁷”راځئ چې مونږه د هغۀ د اوسېدو ځائ ته لاړ شو، راځئ چې د هغۀ د خپو چوکۍ په وړاندې هغهٔ ته سجده وکړُو.“

⁸مالِکه خُدايه پاڅه او خپل مقدس عرش ته دې راشه، خپل د تړون صندوق سره چې ستا د قدرت نښه ده.

⁹ستا اِمامان دې د صداقت جامې واچوی، او ستا مقدسین دې د خوشحالۍ سندرې ووائى.

¹⁰ستا د خدمتګار داود په خاطر خپل غوره شوی دې مه ردکوه.

¹¹مالِک خُدائ د خپل خِدمتګار داود سره قسم وکړو يو داسې پوخ قسم چې هغه به نهٔ ماتوی: ”چې زهٔ به یو کس ستا د نسل نه ستا په تخت کښېنوم.

¹²کۀ ستا زامن زما لوظ پوره وساتی او ستا هغه اصُول منى کوم چې ورته وښايم، نو بيا به د هغوئ زامن تر ابده پورې ستا په تخت ناست وی.“

¹³ځکه چې مالِک خُدائ صيون خوښ کړے دے، هغۀ د اوسېدو دپاره دغه ځائ خوښ کړے دے:

¹⁴”دا زما تر ابده پورې د آرام ځائ دے، او هلته به زهٔ په تخت کښینم د کوم چې ما خواهش کړے وو.

¹⁵دا به زهٔ په ډیر پیداوار باندې بختور کړم، او د هغې غریبان به زهٔ په خوراک باندې ماړهٔ کړم.

¹⁶زۀ به د خلاصُون جامې ورواغوندم د دې اِمامانو ته، د هغې نېکان دې د خوشحالۍ سندرې ووائی.

¹⁷دلته به زهٔ د داود د فخر ښکر جوړ کړم، د خپل مقرر شوى کس دپاره به ډیوه بله کړم.

¹⁸زهٔ به د هغې دشمنانو ته د شرم جامې واغوندم، او د هغهٔ په سر تاج به د لوئ مرتبې وی.“