Read Pashto Bible (Yusufzai) — د پښتو مقدس کتاب زبور 14 Bible Online

زبور 14 - Pashto Bible (Yusufzai) — د پښتو مقدس کتاب bible

زبور 14

¹”نشته دے خُدائ،“ په خپل زړۀ کښې وائى کم عقلان، دوئ دی فاسدان ښۀ عمل يې نشته يو هم داسې نشته چې وی نيکان.

²مالِک پاس د آسمان نه ګورى ټول بنيادمان هغه ګوری چې په رښتيا په دنيا شته داسې پوهان، څوک شته په دې دنيا د خُدائ متلاشيان.

³نشته یو هم نشته ټول دی اوړيدلی په غلطه لار روان، نشته دے يو کس هم چرته نشته دے نېکان.

⁴ولې دوئ نهٔ زده کوی څوک چې دی بدکاران، دوئ خورى لکه ډوډۍ زما خلق اِنسانان مالِک ته به د دعا فکر ونهٔ کړی دا بدکاران؟

⁵په سخته يره کښې به پراتۀ وی بدکاران، ځکه پاک خُدای مل دے د صادِقانو.

⁶اے بدکارانو تاسو په غريبانانو ظُلم کوئ، خو مالِک خُدای د خپلو خلقو نګهبان دے.

⁷څوک به راشی د صيون چې آزاد کړی اسرائیلیان، کله چې مالِک خُدائ بیا آباد کړی خپل قومیان، یعقوب به خوشحالی وکړی او خوشحاله به شى اِسرائيليان.