Read Pashto Bible (Yusufzai) — د پښتو مقدس کتاب زبور 15 Bible Online

زبور 15 - Pashto Bible (Yusufzai) — د پښتو مقدس کتاب bible

زبور 15

¹څوک مالِکه خُدايه ستا مقدس کور کښې عبادت ته داخليدے شی؟ ستا په مقدس غر څوک ستا حضُور کښې اوسېدے شی؟

²هغه څوک چې وی بې عیبه او ښۀ کارونه کوی، او د زړۀ د اخلاص نه رښتيا خبرې کوی.

³څوک چې نهٔ کړی غیبتونه او ګاونډى باندې ظُلمونه نهٔ کوی او نۀ په خپلو دوستانو باندې بد وائی،

⁴چې منکرانو ته سپک ګوری او د مالِک خُدائ د وفادارانو قدر کوی، کۀ هر څومره ورته سخته وی خو بیا هم مدام په خپل عهد او پیمان ټینګ ولاړ وی،

⁵د قرض په بدل کښې چې څوک سود خواران نهٔ وی او څوک چې د بې ګناه خلاف رشوت نهٔ قبلوی. نو داسې چې څوک کوی هغه به مدام قائم وی.