Read Pashto Bible (Yusufzai) — د پښتو مقدس کتاب زبور 150 Bible Online

زبور 150 - Pashto Bible (Yusufzai) — د پښتو مقدس کتاب bible

زبور 150

¹د مالِک خُدائ ثناء ووايئ. د هغهٔ په مقدس ځائ کښې د هغهٔ ثناء ووايئ، د هغهٔ په زورَور آسمان کښې د هغهٔ ثناء صفت ووايئ.

²د هغۀ د لویو کارونو په وجه د هغهٔ ثناء صفت وکړئ، او د هغهٔ د بې حده لویوالی په اندازه د هغهٔ ثناء صفت وکړئ.

³او د بګل د آواز سره د هغهٔ ثناء خوان شئ، د رباب او بينجو د ساز سره د هغهٔ ثناء صفت وکړئ.

⁴د تمبل او ګډا سره د هغۀ ثناء صِفت وکړئ، په شپيلئ او د رباب تارونو سره د هغهٔ ثناء صفت وکړئ.

⁵د چمټو او تالیو سره د هغهٔ ثناء صِفت وکړئ، د هغهٔ ثناء صِفت د تالیو په شرنګار کښې وکړئ.

⁶هر یو ساه لرونکے دې د مالِک خُدائ ثناء صفت وکړی، د مالِک خُدائ ثناء صفت وکړئ.