Read Pashto Bible (Yusufzai) — د پښتو مقدس کتاب زبور 20 Bible Online

زبور 20 - Pashto Bible (Yusufzai) — د پښتو مقدس کتاب bible

زبور 20

¹په وخت د مصيبت کښې دې مالِک ستا فرياد واوری، د یعقوب د خُدائ پاک نوم دې د هر نقصان نه ستا حفاظت وکړی.

²هغه دې ستا مدد وکړی د خپل مقدس ځائ نه او داسې به طاقت درکوی د صيون نه.

³ټولې قربانئ دې ستا قبولې کړی ټولې سوزیدونکې نذرانې دې ستا منظُورې کړى.

⁴هغه دې ستا د زړۀ آرمان پوره کړى کاميابه دې هغه ستا منصُوبې کړى.

⁵نو ستا په کاميابئ به چغې د خوښۍ ووهُو د خپل خُدائ د نوم جنډې به اوچتې کړُو. مالِک خُدائ دې جواب درکړى ستا د ټولو سوالونو.

⁶اوس زهٔ په دې پوهېږم چې مالِک خُدائ به خپل غوره شوے بادشاه بچ کړى، هغه به د خپل پاک آسمان نه جواب ورکړى په خپل لوئ طاقت سره به يې هغه بچ کړى.

⁷څوک فخر کوی په جنګى ګاډو او څوک په آسونو، خو مونږ د مالِک خُدائ د خپل خُدائ پاک په نوم فخر کوُو.

⁸دا قومونه به په ګوډو شی او راوبه غورزیږی، خو مونږ به راپاڅُو او ټینګ به ودرېږُو.

⁹ورکړه فتح زمونږ بادشاه له، اے مالِکه خُدايه، کله چې تا ته سوال کوُو مونږ ته جواب راکړه.