Read Pashto Bible (Yusufzai) — د پښتو مقدس کتاب زبور 23 Bible Online

زبور 23 - Pashto Bible (Yusufzai) — د پښتو مقدس کتاب bible

زبور 23

¹مالِک خُدائ دے شپون زما، نو د هیڅ څیز حاجت نشته دے زما.

²راکوی آرام په شین چمن کښې ما له، بوځی مې هغه د آرامو اوبو خوا له.

³هغه راکوى تازه او نوے قوت ما له، په نېغه لار مې بيائې د خپل نوم دپاره.

⁴کۀ څهٔ هم د مرګ وادئ نه زهٔ تېرېږم، خو تهٔ زما په څنګ يې نو نهٔ يريږم، ستا په چوکه او امسا زما تسلی ده.

⁵تهٔ زما د دشمنانو په وړاندې تياروې ډير خوراک ما له، تهٔ مې سر په تیلو غوړوې نو په دې عِزت راکوې ما له، تهٔ د خپل برکت نه تر څنډو ډکوې پیاله ما له.

⁶بې شکه ستا نيکى او مينه به وی زما د ټول ژوند دپاره، زۀ به د مالِک خُدائ کور کښې اوسیږم د تل دپاره.