Read Pashto Bible (Yusufzai) — د پښتو مقدس کتاب زبور 3 Bible Online

زبور 3 - Pashto Bible (Yusufzai) — د پښتو مقدس کتاب bible

زبور 3

¹اے مالِکه خُدايه څومره ډیر دی دشمنان زما، څومره ډیر را‎پاڅيدلی دی خلاف زما.

²ډېر زما په حقله داسې وائی، ”هغه به خُدائ پاک نهٔ بچ کوی.“

³تۀ خو زما ډال يې چې زما نه ګېرچاپېره يې، تهٔ زما جلال يې، څوک چې زما سترګې اوچتوی، اے مالِکه خُدايه.

⁴کله چې مالِک خُدائ ته په اُوچت آواز ژړا کوم، خپل مقدس غر نه هغه ما ته جواب راکوی.

⁵چې څملمه اُودۀ شمه په حفاظت کښې پاڅم، ځکه چی زهٔ د مالِک خُدائ د نظر لاندې يم.

⁶يره ترې نه نۀ کوم هغوئ کۀ هر څومره ډېر وی کۀ زۀ په کښې د هرې خوا نه ګېر يم.

⁷مالِکه خُدايه پاڅه، خُدایه ما ترې خلاص کړه، د دشمن مې ژامنې ماتې کړه، غاښونه د بدعملو مات کړه.

⁸خلاصُون د مالِک خُدائ نه راځی. ستا په خلقو ستا برکت دې همیشه وی.