Read Pashto Bible (Yusufzai) — د پښتو مقدس کتاب زبور 36 Bible Online

زبور 36 - Pashto Bible (Yusufzai) — د پښتو مقدس کتاب bible

زبور 36

¹د ګناه وهم بدکارو ته په زړهٔ کښې لمسون کوی. هغوئ بلکل د خُدائ پاک نه یره نهٔ کوی.

²هغوئ په خپل نظر کښې ځان دوکه کوی، هغوئ ته پته نۀ لګى چې په خپله څومره بدکاره دی.

³دوئ په ژبه د دوکې او د بدۍ خبرې کوی. هغوئ کار د عقل او ښۀ عمل نهٔ کوی.

⁴تر دې چې په خپل کټ کښې بدې منصُوبې جوړوی. د بدکارانو په لاره تلل کوی د دوئ ارادې ښې نهٔ دی. او د بدۍ نه مخ نهٔ اړوی.

⁵مالِکه خُدايه، ستا ابدى مينه آسمانونو ته رسېږی، او ستا وفادارى د وریځو نه بره رسېږی.

⁶ستا رښتینوالے لکه د لویو غرونو په شان، ستا اِنصاف لکه د سمندر د ژوروالى په شان، اے مالِکه خُدايه تهٔ خيال ساتې د اِنسان او هم د ځناورو.

⁷خُدایه پاکه، ستا رښتینې او ابدى مینه څومره قیمتی ده. ټول اِنسانان ستا په وزرو کښې پناه اخلى.

⁸معمور به کړی هغوئ په پریمانه میلمستیا د خپل کور، او تهٔ به هغوئ د خپل برکتونو د دریاب نه کړې معمور.

⁹خو تهٔ د ژوندون سرچینه یې، په کوم نور چې مونږ ليدل کوُو تۀ هغه نور يې.

¹⁰خپل ابدی رحمت دې په هغوئ نازل کړه څوک چې تا سره مينه کوی، او خپل خلاصُون ورکړه هغوئ ته څوک چې صادِقان دی.

¹¹مه پریږده چې ما د ښپو لاندې کړی مغروران، مۀ پرېږده چې ما وشړی بدکاران.

¹²ګوره، هغوئ چې بد کوی او بدکاران دی څنګه راوغورزیدل، د بیا پاڅيدو نهٔ دی سر د لاندې راوغورزیدل.