Read Pashto Bible (Yusufzai) — د پښتو مقدس کتاب زبور 38 Bible Online

زبور 38 - Pashto Bible (Yusufzai) — د پښتو مقدس کتاب bible

زبور 38

¹اے مالِکه خُدايه، په خپل قهر کښې ما مه رټه تۀ په خپله غصه کښې سزا ما ته مۀ راکوه.

²ځکه چې ستا غشو سورے کړے يم، او په خپل لاس دې وهلے یم.

³ستا د قهر په وجه زما وجود کښې بيمارى ده، زما د ګناه په وجه هډوکې مې مات شوى دی.

⁴زما ګناهونه په ما باندې غالب شوى دی، د ګناه دا پنډ د وړلو د برداشت نه بهر شوے دے.

⁵پرهرونه مې ټول سخا شول بوی ترې روان دے، زما د کم عقلتوب په وجه مې ځکه دا حال دے.

⁶زۀ کوږ شوے خراب شوے يم، زهٔ د درد په وجه ټوله ورځ غمژن يم.

⁷او ملا مې د سرې تبې په وجه سوزیږی، او په بدن کښې مې دم نشته ختمیږی.

⁸زۀ کمزورے شوے بلکل تباه شوے يم، زۀ زبيرګی کوم په زړهٔ باندې غمژن یم.

⁹اے مالِکه خُدايه، زما ټول آرمانونه ستا په وړاندې ښکاره دی، او زما اسويلی آهونه ستا نه پټ نهٔ دی.

¹⁰زړۀ زما درزېږى زما زور په ختمېدو دے، تر دې چې مې نظر د سترګو په ختمېدو دے.

¹¹د بيمارۍ په وجه زما دوستان او ملګری زما نه په ډډه ودریږی، تر دې چې خپله کورنۍ هم رانه لرې لرې کېږی.

¹²دشمنانو راته ايښى دی دامونه هغوئ ما قتلول غواړى، زما د تباهئ منصُوبې جوړوى څوک چې ماته نقصان رسول غواړى، دوئ ټوله ورځ منصُوبې جوړوی راسره دوکه کول غواړى.

¹³خو زهٔ لکه د یو کوڼ په شان هیڅ نهٔ اورم، او زهٔ د یو ګونګ په شان شوے یم څۀ نۀ وایم.

¹⁴زهٔ د یو داسې کس په شان شوے یم چې اورېدے نۀ شی، او په خولهٔ باندې هیڅ جواب ورکولے نهٔ شی.

¹⁵زۀ ستا په طمع يمه، اے مالِکه خُدايه. اے مالِکه خُدايه تهٔ جواب راکړه، ما له زما پاکه خُدايه.

¹⁶زهٔ تا ته کوم سوال دوئ ما پورې خندا ته مۀ پرېږده کله چې زۀ پرېوځم هغوئ مه خوشحالوه.

¹⁷ځکه زهٔ غورزيدو ته نزدې شوے یم، او مسلسل دردونو راګیر کړے یم.

¹⁸زۀ د خپلو ټولو ګناهونو اقرار کوم، زۀ په خپلو ګناهونو ډیره پښیمانتيا کوم.

¹⁹زما دشمنان ډیر او تکړه دی، ډیر دی چې بې وجې ما نه نفرت کوی.

²⁰د ښو په ځائ دوئ ما سره بد کوی زۀ نېکى کوم په دې وجه هغوئ ما سره بدى کوی.

²¹اے مالِکه خُدايه، ما مۀ پرېږده، اے زما پاکه خُدايه، زما نه لرې مۀ ودریږه.

²²زر راشه او زما مدد وکړه، اے مالِکه خُدايه، زما خلاصُونکیه.