Read Pashto Bible (Yusufzai) — د پښتو مقدس کتاب زبور 39 Bible Online

زبور 39 - Pashto Bible (Yusufzai) — د پښتو مقدس کتاب bible

زبور 39

¹ما ووئيل چې، ”زۀ به د خپل عمل خيال ساتم نو چې په خپله ژبه ګناه ونۀ کړم، تر څو چې بدعمله زما د وړاندې وی زۀ به خپله ژبه چپ ساتم.“

²زهٔ خو خاموش ولاړ وم، او هیڅ خبره مې هم نۀ کوله، په دې باندې زما پرېشانى نوره هم زياتېدله.

³زما د زړهٔ پرېشانى او غم زياتېدلو. ما چې څومره سوچ کولو، نو دومره مې غم زياتېدو، خو اخر هم ما د خپل ځان سره وو‎ئيلو:

⁴”اے مالِکه خُدایه، زما ژوندون چې څومره دے ما ته راو‎ښایه، چې زما عمر به څومره وی ما ته زما د مرګ نېټه راوښايه، ماته وښایه چې څومره فانى یم.

⁵تا زما د ژوند نه د ژمې مازيګر جوړ کړو، زما ژوند دې په خپل نظر یوه لحظه کړو، د ټولو اِنسانانو ژوندون صرف هوا ده.

⁶هر اِنسان د سورى په شان په تېزئ سره د مرګى طرف ته روان وی، دوئ مال راټولوی خو خبر نۀ دى چې دا به څوک خرچ کوی.

⁷خو اوس، اے مالِکه خُدايه، زۀ د څۀ طمع کوم؟ زهٔ په تا باندې توکل کوم.

⁸زما د سرکشئ نه ما بچ کړه، ما د کم عقلو د خندا مۀ جوړوه.

⁹زۀ چپ وم، ما خپله خولهٔ بنده کړې وه، ځکه چې هر څهٔ تا په خپله کړی وُو.

¹⁰خپل عذاب دې ما نه اخوا کړه ډیر کړیدلے یم، زۀ ستا د لاس په وهلو ډېر ضعيفه شوے يم.

¹¹تهٔ اِنسان د هغهٔ د ګناه په وجه تنبیه کوې، او څهٔ چې دوئ ته قیمتى وی تهٔ هغه د دوئ نه لکه وَینو په شان خورې، اِنسان هیڅ نهٔ دے خو بس یوه ساه ده،

¹²اے مالِکه خُدايه، زما دعا تهٔ واوره، د مدد دپاره زما فرياد واوره، زما اوښکې مه نظر انداز کوه. زهٔ خو د يوې لحظې میلمه یم، لکه زما د پلار نيکۀ په شان یم.

¹³ما لږ پرېږده چې دوباره خوشحاله شم، د دې نه مخکښې چې لاړ شم او فنا شم.“