Read Pashto Bible (Yusufzai) — د پښتو مقدس کتاب زبور 43 Bible Online

زبور 43 - Pashto Bible (Yusufzai) — د پښتو مقدس کتاب bible

زبور 43

¹اے پاکه خُدايه، ما بې ګناه وګرځوه، د بې ایمانه خلقو په خلاف زما په حق کښې فیصله واوروه، خو تهٔ ما ته د بدکارانو او ټګمارانو نه خلاصُون راکوه.

²تۀ زما خُدائ پاک او زما قلعه يې، ولې دې رد کړے يم؟ نو ولې غمژن ګرځم دشمن راباندې ظُلم کوی؟

³خپل نُور او خپل حقيقت دې نازل کړه، چې ماته لارښودنه وکړی، او ما دې هغه مقدس غر ته بوځې کوم ځائ چې تهٔ اوسېږې.

⁴زۀ به د خُدائ پاک قربان ګاه ته ورشم، هغه خُدائ د چا نه چې ډیر خوشحال شم، زۀ به د رباب په نغمو کښې ستا ثناء صِفت وکړم، اے خُدايه، زما پاکه خُدایه.

⁵ولې خفه کېږې زما روحه، دومره ولې پرېشانه کیږې تهٔ؟ په خُدائ پاک باندې توکل کوه مۀ پرېشانه کېږه تهٔ، زۀ به بيا ستا ثناء صفت بيان کړم، پاکه خُدایه، ځکه چې هم تا زهٔ خلاص کړم.