Read Pashto Bible (Yusufzai) — د پښتو مقدس کتاب زبور 5 Bible Online

زبور 5 - Pashto Bible (Yusufzai) — د پښتو مقدس کتاب bible

زبور 5

¹اے مالِکه خُدايه زما خبرو ته غوږ شه، زما اسويلو ته توجو وکړه.

²زما د ژړا آواز د مدد دپاره واوره، زۀ تا ته سوال کومه زما خُدایه، زما بادشاه.

³زما واوره سحر کښې زهٔ تا ته آواز کوم، هر سحرکښې زۀ تا ته درخواست کوم مالِکه خُدايه ستا په طمع اِنتظار کوم.

⁴يو تۀ هغه خُدائ يې چې په بدو نهٔ خوشحاليږى، بد کرداره به تا سره نهٔ اوسيږی.

⁵ستا په وړاندې مغرور خو ودرېدے نۀ شی، کوې کرکه د هغوئ نه چې بدکاره شی.

⁶تۀ هغه تباه کوې، څوک چې دروغجن وی، مالِک خُدائ دوکه بازو او خونکارو نه کرکه کوی.

⁷ستا د لوئ رحم په وجه به زۀ دننه شم ستا کور ته، ډېر په يره په سجده به شم ستا مقدس کور ته.

⁸اے مالِکه خُدایه، په سبب زما د دشمنانو، په خپل صداقت سره دې زما رهنمائی وکړه، خپله نیغه لار دې ما ته راوښایه.

⁹په خولهٔ يې اعتبار نۀ وى زړونه يې د تباهۍ نه ډک دی. او په ژبه دروغ وائى او غړئ يې کولاو قبر دے.

¹⁰اے پاکه خُدایه هغوئ ګناه ګار حساب کړه، هغوئ په خپلو دامونو کښې راګیر کړه. د ډيرو ګناهونو په وجه دوئ د خپل ځان نه وشړه، ځکه چې هغوئ ستا خلاف سرکشی کړې ده.

¹¹خو څوک چې ستا پناه واخلى هغوئ دې خوشحالى کوی، وائی سندرې تل تر تله بې غمۍ سره وى دې ستا امان کښې ستا امان دې وى هغوئ باندې هغوئ دې خوشحال وى چې ستا نوم سره مینه لری.

¹²اے مالِکه خُدايه، تهٔ په خپله نيکانو ته برکت ورکوې، تهٔ د خپل رحم ډال هغوئ نه چاپېره وی.