Read Pashto Bible (Yusufzai) — د پښتو مقدس کتاب زبور 52 Bible Online

زبور 52 - Pashto Bible (Yusufzai) — د پښتو مقدس کتاب bible

زبور 52

¹تهٔ ولې په خپلو بدو فخر کوې زورَوره؟ ولې تۀ خبر نهٔ يې چې د خُدائ مينه وى د تل دپاره؟

²ژبه دې د نورو خلقو د تباهئ په لټون کښې ده، او لکه د تیرې چړې په شان ده او ټګی ماره ده.

³تاسو بدۍ سره د نيکۍ نه زیاته مینه کوئ، تاسو د ټګۍ سره د رښتيا نه زیاته مینه کوئ.

⁴تاسو دا خوښوئ چې په خپلو خبرو نور خلق تباه کړئ، تاسو دروغجن يئ.

⁵خو خُدائ به تاسو د تل دپاره تباه کړی. د کور نه به دې راونيسى او د ژوندو د دنيا نه به دې بیخ ختم کړی،

⁶صادِقان چې دا وګورى نو وبه یريږی، دوئ به هغهٔ پورې خاندى او وبه وائی،

⁷”ګورئ، دا هغه زورَور سپاهی دے چا چې د خُدائ په حفاظت یقین نهٔ کولو، خو هغهٔ په خپل ډیر مال دولت باندې یقین کولو، او نور هم زورَور شولو په شرارت کولو.“

⁸خو زهٔ د زیتون د ونې په شان د خُدائ په کور کښې زرغون شوے يم، زۀ د خُدائ په ابدى مينه تر ابده پورې یقین لرم.

⁹تا چې څهٔ کړی دی په هغې تر ابده ستا شکر ادا کوم، ستا د پاکانو په وړاندې به زهٔ ستا د نوم د ښۀ والې بيان کوم.