Read Pashto Bible (Yusufzai) — د پښتو مقدس کتاب زبور 53 Bible Online

زبور 53 - Pashto Bible (Yusufzai) — د پښتو مقدس کتاب bible

زبور 53

¹کم عقلان په خپل زړهٔ کښې وائی چې، ”خُدائ پاک نشته.“ دوئ په بدو اخته شول او بدعمله دی، تر دې چې یو هم نشته چې نيک وی.

²پاس د آسمانه خُدائ اِنسانانو ته ګوری، ګوری چې څوک شته چې وی هوښیار او د خُدائ لټون کوی.

³خو ټول بې لارې شوى دی، او ټول يو شان خراب شوې دی. يو کس هم ښۀ نهٔ کوی داسې يو هم نشته چې ښهٔ کارونه وکړی.

⁴ولې څوک چې بدکارونه کوی دوئ نهٔ پوهیږی. خو دوئ زما بنيادمان لکه د روټئ لواړ تیروی، او هیڅکله هم دوئ د خُدائ پاک نه دعا نهٔ غواړى.

⁵خو بيا هم داسې ویریدل چې دې نه وړاندې کله هم داسې نۀ وُو يریدلی. خُدائ پاک به ستا د دشمنانو هډُوکی تس نس کړی. او هغوئ به وشرمیږی ځکه چې خُدائ پاک سپک کړی دی.

⁶څوک به راشی د صيون چې آزاد کړى بنى اِسرائيل، کله چې خُدائ پاک بیا آباد کړی خپل قومیان، یعقوب به خوشحالې وکړی او بنی اِسرائيل به خوشحاله شی.