Read Pashto Bible (Yusufzai) — د پښتو مقدس کتاب زبور 65 Bible Online

زبور 65 - Pashto Bible (Yusufzai) — د پښتو مقدس کتاب bible

زبور 65

¹په صيون کښې، پاکه خُدایه، تهٔ د ثنا صفت لایق يې. منختې به هم تا ته وړاندې کيږی

²تهٔ په خپله د ټولو دعا ګانې اورې، ټول خلق به تا ته راشی.

³کله چې مونږ د خپلو ګناهونو لاندې راګیر شولو، نو زمونږ ټول ګناهونه دې معاف کړل.

⁴بختور دی هغوئ څوک چې تا په خپله غوره کړی دی، چې ستا په دربار کښې اوسيږی او خپل ځان ته دې نزدې کړی دی. مونږ تاسو د خپل مقدس کور په نِعمتُونو ماړۀ کړئ.

⁵تا زمونږ دعا داسې قبوله کړه چې تا زمونږ دپاره د صداقت حیرانونکې کارونه کړی دى، اے زمونږ خلاصُونکيه زمونږ پاکه خُدايه. د دنيا د یو سر نه تر بل سره پورې، او تر لرې سمندرونو پورې تهٔ د هر چا اُميد يې.

⁶تا چې غرونه په خپل زور ودرولې دی، خپل ځان دې په طاقت سمبال کړے دے.

⁷ستا په حُکم د سمندر زورَوری چپی او موجونه قلاریږی، او هم ستا په حُکم د قومونو چغې سورې په قلاریږی.

⁸ستا د عجيبه کارونو نه دا دنيا د یو سره تر بله ټوله يریږی، د نمر ختو نه د نمر پريوتو پورې تهٔ د خلقو د خوشحالۍ د آوازونو سبب کیږې.

⁹تهٔ د زمکې خيال ساتې اوبۀ ورکوې او ښۀ زرخيزه کوې یې، د خُدائ پاک سيندونه د اوبو نه ډک شو. نو خلقو ته د غلې دانې بندوبست وشو. نو دغه شان دې په زمکه انتظام وکړو.

¹⁰قلبه شوې پټی په باران سیرابه کوې، لوړې ژورې او لوټې يې هواروې. په باران سره یې نرموې، او فصلونو ته يې برکت ورکوې.

¹¹تا کال ته په آبادۍ سره برکت ورکړو، تر دې چې ګاډۍ او کوڅې دې دانو نه انبار کړې.

¹²د صحراګانو د څرند ځايونه دې سر سبزه کړل، او د غرونو لمنو ته دې د خوشحالۍ جامې واغوستې.

¹³د څرند ځایونه د رمو نه ډک شو، او ټول پټى د دانو نه ډک شو. هر څیز نارې وهی او د خوشحالۍ سندرې وائی.