Read Pashto Bible (Yusufzai) — د پښتو مقدس کتاب زبور 7 Bible Online

زبور 7 - Pashto Bible (Yusufzai) — د پښتو مقدس کتاب bible

زبور 7

¹اے مالِکه خُدايه، پاکه خُدايه، تهٔ زما پناه یې، د هغه خلقو نه ما خلاص کړه او ما بچ کړه څوک چې راپسې دی،

²ګنې ما به د ازمرى په شانې وشلوى ټوټې به مې کړی، هيڅ څوک به مې نۀ وى چې د هغوئ نه ما بچ کړی.

³اے مالِکه خُدايه، زما پاکه خُدايه، کۀ ما د اِنصاف نه کار اخستے نۀ وى،

⁴کۀ ما د خپل دوست سره بد کړې وی کۀ نا حقه مې دشمن باندې حمله کړې وی،

⁵نو بيا دې دشمن راپسې شی ما دې ووهی. ما دې پرېږدی بې عِزتئ سره په خاورو کښې.

⁶اے مالِکه خُدايه د غصې سره راپاڅه، زما د دشمن د غصې په مقابل کښې راپورته شه، راپورته شه، زما پاکه خُدايه، په دوئ باندې خپل عدل او اِنصاف راوله.

⁷راغونډ کړه ټول قومونه خپل ځان ته، د خپل عرش نه په هغو‎ئ بادشاهی وکړه.

⁸مالِک خُدائ په خپله د قومونو عدالت کوى. تهٔ زما د صداقت اعلان وکړه، زهٔ بې ګناه یم، اے لویه خُدایه.

⁹ختم کړه ظُلمونه د ظالِم ختم کړه، آباد کړه صادِقان صادِقه خُدايه، د زړۀ منصُوبې او فکرونه تۀ معلوموې.

¹⁰هغه خُدائ تعالىٰ خو زما ډال دے، بچ کوونکے چې د زړونو صادِقانو دے.

¹¹خُدائ پاک صادِق اِنصاف دار دے، بد کارو ته هره ورځ په قهر وی.

¹²کۀ څوک چرى په خپله توبه نهٔ کړی، خُدائ به خپله تُوره ورته تېره کړی، نو ليندې ته به لاس پورته کړی.

¹³کړی هغه به تياره وسله تباه کوونکی، او وُلی به خپل غشى بلېدونکى.

¹⁴څنګه د بدو منصُوبې جوړوى، بدعمله خلق ګوره د مصيبت نه هغوئ ډک وى او فریب کاره.

¹⁵هغوئ د بل د غورزيدو دپاره ډوبه کنده تياروی په هم دې کنده کښې به په خپله ورغورزیږی.

¹⁶کوم مصيبت چې جوړوى هغوئ په خپله په کښې ګېر شی، هغه ظُلمونه د هغوئ په خپل سر انبار شی.

¹⁷شکر به کوم د مالِک خُدائ چې هغه اِنصاف کوُونکے دے وایم به زۀ د مالِک خُدائ تعالىٰ ثناء صفت.