Read Pashto Bible (Yusufzai) — د پښتو مقدس کتاب زبور 70 Bible Online

زبور 70 - Pashto Bible (Yusufzai) — د پښتو مقدس کتاب bible

زبور 70

¹پاکه خُدایه، ما ته خلاصُون راکړه، مالِکه خُدایه، زر راشه، او زما مدد وکړه.

²هغوئ څوک چې زما د مړ کولو کوشش کوی، هغوئ دې شرمنده او سرګردانه شی، هغوئ ټول څوک چې زما تباه کيدل غواړى، دوئ ټول دې شکست وخوری او شرمنده دې شی.

³هغه څوک چې ما پورې خندا کوی، هغوئ دې ماتے وخورى وارخطا دې شی.

⁴هغوئ څوک چې ستا لټون کښې ګرځی، هغوئ دې خوښی وکړی او خوشحاله دې شی، څوک چې ستا خلاصُون سره مینه کوی، همیشه دې د مالِک خُدائ لوئى بيانوی.

⁵زۀ ډېر غریب او حاجتمند یم، اے خُدايه، ما له زر راشه، اے زما مددګاره او خلاصوونکيه، اے مالِکه خُدایه، نور انتظار مه کوه.