Read Pashto Bible (Yusufzai) — د پښتو مقدس کتاب زبور 85 Bible Online

زبور 85 - Pashto Bible (Yusufzai) — د پښتو مقدس کتاب bible

زبور 85

¹اے مالِکه خُدایه، تا خپل برکت په خپل ملک باندې وکړو، او تا دوباره د يعقوب خوش قسمتى بحال کړه.

²تا د خپلو خلقو خطاګانې معاف کړې، تا د هغوئ په ټولو ګناهونه پرده واچوله.

³تا خپله غصه په خپل ځان تيره کړه، تا د خپل قهر لمبه په خپله باندې سړه کړه.

⁴اے مالِکه خُدايه، اے زمونږه خلاصوُونکيه، مونږه په خپل ځائ کړه خپل خفګان زمونږ نه لرې کړه،

⁵تۀ به ټول عُمر زمونږ نه خفه يې څۀ؟ تۀ خپل خفګان نسل در نسل ساتې څۀ؟

⁶ولې تهٔ‎‎‎‎‎‎ به دوباره مونږه تازه نۀ کړې څۀ‎‎‎؟ چې ستا خلق په تا کښې خوشحالى وکړى.

⁷اے مالِکه خُدايه، مونږ ته خپله ابدی مینه وښايه، مونږه له خپل خلاصُون راکړه،

⁸زهٔ به مالِک خُدائ، خُدائ پاک ته غوږ ونیسم. ځکه چې هغه به د خپل قوم، خپلو ایماندارانو ته وکړی د خیر خبره. خو دوئ دوباره خپل کم عقلتوب ته مه پریږده.

⁹بې شکه چې څوک د خُدائ نه يرېږى د هغهٔ خلاصُون هغهٔ ته نزدې دے، نو دغه شان به د هغهٔ جلال زمونږ په خاوره کښې اوسيږی.

¹⁰ابدى مينه او وفاداری به دواړه خپلو کښې ترغاړه شی، سلامتى او صداقت به يو بل ښُکلوی.

¹¹وفادارى د زمکې نه راپورته کیږی، صداقت بره د آسمان نه لاندې راګوری.

¹²بې شکه مالِک خُدائ به ښۀ څيزُونه مونږ له راکوی، او زمونږ زمکه به ښهٔ فصل پېدا کوی.

¹³صداقت د هغهٔ په وړاندې روان وی، او د هغهٔ د قدمونو دپاره لار تياروی.