Read Pashto Bible (Yusufzai) — د پښتو مقدس کتاب خواږهٔ سرودونه 6 Bible Online

خواږهٔ سرودونه 6 - Pashto Bible (Yusufzai) — د پښتو مقدس کتاب bible

خواږهٔ سرودونه 6

¹ستا جانان چرته لاړونه، په ټولو پيغلو کښې ښائسته جينۍ؟ ستا جانان چرته تلے دينه؟ چې مونږ تا سره د هغهٔ تلاش وکړونه؟

²زما جانان خپل باغ ته راغلے دېنه، خپل د خوشبويانو کټ ته، چې خپله رمه په باغونو کښې وڅروينه، او د لاله ګلونه ترې نه راټول کړينه.

³جانان زما او زۀ د جانان يمه، هغه چې د لاله په ګلونو کښې مزې کوينه.

⁴زما محبوبې، تهٔ لکه د ترضه د ښار په شان ښائسته ينه. او، لکه د يروشليم په شان ښائسته ينه، او په يو ځل ليدو دې ما نه زړګے وړے دېنه.

⁵سترګې دې ما نه واړوه، ځکه چې زهٔ يې بې وسه کړے يمه. ستا زلفى ول ول لکه د چيلو د رمو په شان دينه، چې د جلعاد د غر نه لاندې راکوزيږينه.

⁶ستا غاښُونه د سپينو ګډو په شان دينه، چې تازه ترې نه وړۍ اخوا شوې وينه، او تازه لمبولے شوے وينه. هر يو غاښ دې د بل سره جوړه دېنه، يو هم کنډم شوے نهٔ دېنه.

⁷ستا اننګى د نقاب شاته لکه د ګلابى انار ځليږينه.

⁸په شپېتو ملِکو او په اتيا وينځو کښې او په بې شماره پيغلو کښې،

⁹خو زهٔ به بيا هم خپله ګوګوشتکه خوښومه، زما کامله مينه، د خپلې مور ډيره خوښه ده نه، او د هغه چا ډيره نيازبينه چا چې زيږولى ده نه. پيغلې هغه وينې او د هغې صِفت کوينه، تر دې چې شهزادګۍ او شاهى وينځې د هغې د صِفت سندرې وائينه.

¹⁰”دا څوک ده چې لکه د سحر د رڼا په شان رااوچتيږينه، لکه د سپوږمۍ په شان ښائسته، او د نمر په شان ځليږينه، او په يو ځل ليدو دې ما نه زړګے وړے دېنه.“

¹¹زۀ د غوزانو باغ ته لاړمه او وادۍ ته د ګلونو د غوټو سيل ته لاړمه، د انګورو د ځيلو راټوکيدل ووينمه او چې انارو ګلونه کړى دى که نه

¹²زهٔ په خپل ځان نهٔ پوهيدمه، او د عشق نه رپيدمه لکه چې په شاهى ګاډۍ کښې سور يمه

¹³واپس راشه، مونږ ته راواپس شه، اے د شولم پيغلې. واپس راشه، واپس راشه چې مونږ تا دوباره وګورونه. <h>محبوب</h> تاسو د شولم دې پيغلې ته ولې ګورئينه کله چې هغه د ګډيدونکو د دوه صفونو په مينځ کښې ډيره ښائسته ګډيږينه؟