Read Pashto Bible (Yusufzai) — د پښتو مقدس کتاب خواږهٔ سرودونه 8 Bible Online

خواږهٔ سرودونه 8 - Pashto Bible (Yusufzai) — د پښتو مقدس کتاب bible

خواږهٔ سرودونه 8

¹اے کاش چې تهٔ زما دپاره لکه د ورور په شان وينه، چا چې زما سره د مور په سينه خولهٔ ايښې وينه. نو کله چې تهٔ ما په لار کښې ليدلے نه نو ما به تهٔ ښُکلولے نه او چا به هم په ما باندې اعتراض کولو نه.

²ما به تۀ د خپل ماشومتوب کور ته راوستے وينه، او هلته به تا ما ته سبق ښودلے وو نه. ما به درته د څښلو دپاره مزيدار شراب درکړى وُو نه، د خپلو خوږو انارو شربت به مې درکړے وو نه.

³ستا ګس لاس به زما د سر لاندې وونه، او ستا ښى لاس ځانته راغاړه ايستمه.

⁴اے د يروشليم پيغلو، ما سره وعده وکړئينه، مينه مه رابيداروئينه، ترڅو چې يې ونهٔ غواړينه.

⁵دا د صحرا نه څوک راروان دے نه، چې خپل سر يې د محبوبې په اُوږه باندې ايښے دے نه؟ <h>محبوبه</h> زهٔ تا د سيب د ونې لاندې راپاڅومه، په کوم ځائ کښې چې تهٔ خپلې مور زيږولے ينه، چرته کښې چې په ډير تکليف هغې تهٔ زيږولے ينه.

⁶زما مينه په خپل زړهٔ باندې لکه د مهر په شان ولګوه نه، او په خپل لاس باندې ما لکه د مهر په شان ولګوه نه. ځکه چې مينه لکه د مرګ په شان زوروره ده نه، او د هغهٔ غيرت تر عالم ارواح پورې رسيږينه، او د مينې د اور شغلې ډيرې زورورې دينه.

⁷ډيرې اوبۀ د مينې اور مړ کولے نۀ شينه، او نۀ سيلاب دا وړلے شينه. که څوک غواړى چې په خپل ټول مال دولت سره مينه په بيعه واخلينه خو د هغهٔ قيمت به د مينې په مقابل کښې حقير وشميرلے شينه.

⁸زمونږ يوه وړه خور ده نه، او لا تر اوسه د هغې سينې شوې نهٔ دينه. که څوک د هغې غوښتلو له راشينه نو مونږ به څهٔ کوُو نه؟

⁹که هغه لکه د يو ديوال په شان پيغله وے نه، نو مونږ به د هغې د سپينو زرو د برج سره حفاظت کړے ونه. او که هغه يوه دروازه وے نه، نو مونږ به ورته د دِيار تختې لګولے وے نه.

¹⁰زۀ د يو ديوال په شان پيغله ومه، او اوس زما سينې لکه برجونه په شان دينه. کله چې زما جانان ما ته ګورينه، نو هغه زما په کتلو باندې خوشحالېږينه.

¹¹د سليمان په بعل هامون کښې د انګورو يو باغ وونه، کوم چې هغهٔ ماليانو ته په اجاره ورکړے وونه، هر يو به ورله زر د سپينو زرو سيکې ورکولے نه.

¹²خو زما د انګورو باغ زما دے چې چا له يې ورکومه، سليمانه! ما ته د سپينو زرو زر سيکې مۀ راکوه نه، خو زهٔ به هغه چا ته د سپينو زرو دوه سوه سيکې ورکړمه، څوک چې زما د باغ د ميوو خيال ساتينه.

¹³زما محبوبې، تهٔ چې په باغ کښې ‌ژوند کوينه، زما دوستان په دې انتظار کښې دينه چې ستا آواز واورينه. خو پريږده چې زهٔ واورمه

¹⁴زما جانانه، زر په منډه راشه، او يا لکه د هوسۍ او د ځوان غرڅهٔ په شان راشه خوشبوداره غونډو ته راشه.