Read Pashto Bible (Yusufzai) — د پښتو مقدس کتاب لاويان 17 Bible Online

لاويان 17 - Pashto Bible (Yusufzai) — د پښتو مقدس کتاب bible

لاويان 17

¹بيا مالِک خُدائ مُوسىٰ ته حُکم وکړو چې

²هارُون د هغۀ زامنو اؤ ټولو بنى اِسرائيلو ته دا اصُول وښائى.

³کۀ يو اِسرائيلے کس يو غوَيے، يو ګډُورے، يا يو چېلۍ مالِک خُدائ ته د نذرانې په توګه د مالِک خُدائ د حضُور مُقدسې خېمې د دروازې خُلې نه بغېر په هر ځائ کښې حلال کړى نو هغۀ به قانُون مات کړے وى. هغۀ وينه توئ کړې ده اؤ هغه به نور د خُدائ پاک د خلقو نه نۀ شى ګڼلے.

⁵د دې حُکم مطلب دا دے چې بنى اِسرائيلو کُوم ځناور په کولاؤ مېدان کښې حلالول نو هغوئ به يې ما مالِک خُدائ ته راولى. هغوئ به دا د مُقدسې خېمې د دروازې په خُلۀ کښې اِمام ته راولى اؤ د سلامتۍ د نذرانو په توګه به يې حلالوى.

⁶اِمام به هغه وينه د مُقدسې خېمې د دروازې په خُلۀ کښې د قُربان‌ګاه په طرفُونو باندې وشيندى اؤ د خوشبوئى جوړېدو د پاره دې وازګه وسوزوى، په مالِک خُدائ باندې دا بُوئ ښۀ لګې.

⁷بنى اِسرائيل دې د مالِک خُدائ سره نوره بې‌وفائى نۀ کوى چې خپل ځناور د چېلو په شان ښکارېدُونکو پېريانو ته قُربانى کړى. بنى اِسرائيل به په راتلُونکى ټولو وختُونو کښې دا اصُول خامخا منى.

⁸يو اِسرائيلے يا د پردى وطن هر يو کس چې د هغوئ سره اوسېږى چې هغه يوه سوزېدُونکې نذرانه يا بله څۀ قُربانى پېش کوى

⁹اؤ د مُقدسې خېمې د دروازې خُلې ته يې مالِک خُدائ ته د پېش کولو د پاره رانۀ وړى نو هغه کس به نور د خُدائ پاک د خلقو نه نۀ شى ګڼلے.

¹⁰هر يو اِسرائيلے يا د بل وطن کس چې د هغوئ سره اوسېږى کۀ هغه غوښه خورى چې وينه لا په کښې وى، نو مالِک خُدائ به د هغۀ خِلاف شى اؤ هغه به نور د هغۀ د خلقو نه نۀ شى ګڼلے.

¹¹د هر ژوندى څيز ژوند په وينه کښې دے اؤ دا ځکه مالِک خُدائ حُکم کړے دے چې ټوله وينه به په قُربان‌ګاه توئ کړے شى چې د خلقو د ګُناه کفاره ادا شى، دا وينه ده چې د ګُناهونو کفاره ادا کوى.

¹²دا ځکه مالِک خُدائ بنى اِسرائيلو ته وئيلى دى چې نۀ به هغوئ اؤ نۀ د هغوئ سره مهاجر خلق هغه غوښه خورى چې وينه لا په کښې وى.

¹³هر يو بنى اِسرائيلے يا د پردى وطن کس چې د هغوئ سره اوسېږى کۀ د يو ځناور يا مارغۀ ښکار وکړى کُوم چې حلال وى، نو هغه به خامخا د دې وينه په زمکه توئ کړى اؤ په خاوره به يې پټه کړى.

¹⁴د هر ژوندى څيز ژوند په وينه کښې دے، نو دا ځکه مالِک خُدائ بنى اِسرائيلو ته وئيلى دى چې هغوئ به هغه غوښه نۀ خورى چې وينه لا په کښې وى خو کۀ چا وخوړله نو هغه به نور د هغۀ د خلقو نه نۀ شى ګڼلے.

¹⁵هر څوک، کۀ هغه بنى اِسرائيلے وى يا د پردى وطن کس، کۀ هغۀ د يو داسې ځناور غوښه وخوړله چې هغه په خپل مرګ مړ وى يا ځنګلى ځناورو وژلے وى نو هغه به خامخا خپلې جامې ووينځى، غُسل به وکړى اؤ تر ماښامه پورې به هغه ناپاک وى خو بيا به پاک شى.

¹⁶کۀ هغۀ داسې ونۀ کړل، نو هغۀ ته به د خپلو بدو سزا مِلاؤ شى.