Read Pashto Bible (Yusufzai) — د پښتو مقدس کتاب لاويان 18 Bible Online

لاويان 18 - Pashto Bible (Yusufzai) — د پښتو مقدس کتاب bible

لاويان 18

¹مالِک خُدائ مُوسىٰ ته ووئيل،

²بنى اِسرائيلو ته ووايه چې : ”زۀ مالِک خُدائ ستاسو خُدائ پاک يم.

³تاسو هغه شان کارُونه مۀ کوئ څنګه چې د مِصر د وطن خلقو کول، چرته چې تاسو اوسېدلئ اؤ تاسو هغه شان کار هم مۀ کوئ څنګه چې د کنعان خلق يې کوى، چرته چې زۀ تاسو بوځم.

⁴تاسو به زما حُکمونه منئ اؤ زما په قانُون به عمل کوئ : زۀ مالِک خُدائ ستاسو خُدائ پاک يم.

⁵تاسو زما په قانُون اؤ حُکمُونو عمل کوئ، هر څوک چې پرې عمل کوى نو هغوئ به ژوندى وى : زۀ مالِک خُدائ يم.

⁶هيڅ څوک دې د خپلوانو سره زنا نۀ کوى : زۀ مالِک خُدائ يم.

⁷د خپلې مور سره زنا کولو په وجه د خپل پلار سپکاوے مۀ کوئ، هغه ستاسو مور ده. د خپلې مور سره به هيڅ کله داسې غلط کار نۀ کوئ.

⁸د خپل پلار د نورو ښځو سره زنا مۀ کوئ، دا ستاسو د پلار سپکاوے دے.

⁹د خپلې سکه يا ناسکه خور سره زنا مۀ کوئ، کۀ هغه ستاسو په کور کښې لويه شوې وى يا په بل ځائ کښې.

¹⁰د خپلې نمسۍ سره زنا مۀ کوئ، د هغې سپکاوے ستاسو خپل سپکاوے دے.

¹¹د خپلې ناسکه خور سره زنا مۀ کوئ، ځکه چې هغه ستاسو خور ده.

¹²د خپلې ترور سره زنا مۀ کوئ، ځکه چې هغه ستاسو د پلار يا مور وينه ده.

¹⁴د خپل ترۀ د ښځې سره د زنا کولو په وجه د هغې سپکاوے مۀ کوئ، هغه ستاسو د ترۀ ښځه ده.

¹⁵د خپلې اېنږور سره زنا مۀ کوئ، هغه ستاسو د زوئ ښځه ده.

¹⁶د خپلې ورندارې سره زنا مۀ کوئ، دا ستاسو د خپل ورور سپکاوے دے.

¹⁷چې تاسو د يوې ښځې سره څملئ نو د هغې د لُور يا د هغې د نمسۍ سره هم زنا مۀ کوئ، ځکه هغوئ ستاسو خپلوانې دى، دا به يو بد عمل وى.

¹⁸د خپلې ښينې سره وادۀ مۀ کوئ چې کله د هغې خور يعنې ستاسو ښځه ژوندۍ وى.

¹⁹چې کله د يوې ښځې مياشتنۍ بيمارى وى نو د هغې سره مۀ څملئ ځکه چې هغه ناپاکه وى.

²⁰د بل سړى د ښځې سره مۀ څملئ، د هغې په وجه به تاسو ناپاک شئ.

²¹د خپل اولاد يو کس هم مولک بُت د پاره مۀ ورکوئ چې د هغۀ په عِبادت کښې اِستعمال شى اؤ د خپل خُدائ پاک د نُوم سپکاوے مۀ کوئ : زۀ مالِک خُدائ يم.

²²يو نر دې هم د بل نر کس سره جنسى تعلُقات نۀ ساتى، دا يو بد عمل دے.

²³يو نر دې د يو ځناور سره زنا کولو په وجه خپل ځان نۀ ناپاک کوى، يا يوه ښځه دې د يو ځناور سره د زنا کولو کوشش نۀ کوى، دا يو ګنده عمل دے.

²⁴د دې عملُونو په وجه خپل ځانُونه مۀ ناپاکه کوئ، ځکه چې غېرو قومُونو داسې خپل ځانُونه ناپاک کړل، هغه غېرقومُونه چې مالِک خُدائ به يې ستاسو نه مخکښې وشړى.

²⁵د هغوئ عملُونو هغه وطن ناپاک کړو اؤ مالِک خُدائ هغه وطن له سزا ورکړه چې خپل اوسېدُونکى وشړى.

²⁶هغوئ دا ټول غلط کارُونه وکړل اؤ هغه وطن يې ناپاک کړو، خو چې تاسو داسې ونۀ کړئ. کۀ هغه اِسرائيلے وى يا د پردى وطن کس چې ستاسو سره اوسېږى، نو تاسو ټول به د مالِک خُدائ په قانُون اؤ حُکمُونو عمل کوئ،

²⁸نو هغه وطن به تاسو نۀ شړى، لکه چې څنګه يې غېرقومُونه وشړل کُوم چې ستاسو نه مخکښې هلته اوسېدل.

²⁹تاسو ته پته ده چې هر څوک دا ګنده کارُونه وکړى نو هغه به نور د خُدائ پاک د خلقو نه نۀ شى ګڼلے.“

³⁰اؤ مالِک خُدائ ووئيل، ”زۀ چې کُوم حُکمونه درکړم په هغې عمل کوئ اؤ د هغه خلقو په رِواجُونو پسې مۀ ځئ کُوم چې ستاسو نه مخکښې په هغه وطن کښې اوسېدل، اؤ د هغه غلطو کارُونو کولو په وجه خپل ځانُونه مۀ ناپاکه کوئ. زۀ مالِک خُدائ ستاسو خُدائ پاک يم.“