Read Pashto Bible (Yusufzai) — د پښتو مقدس کتاب يُونس 1 Bible Online

يُونس 1 - Pashto Bible (Yusufzai) — د پښتو مقدس کتاب bible

يُونس 1

¹يوه ورځ مالِک خدائ دامِتی زوئ يُونس ته ووئيل چې،

²"هغه لوئ ښار،نينيوه ته لاړشه،اؤدهغوی خلاف اعلان وکړه. ماته پته ده چې هغوی څومره خراب خلق دی.”

³خويُونس،بل طرف ته روان شوچې دمالِک خدائ نه وتښتی. هغه يافاته لاړو، هلته هغهٔ ته يوسمندری جهازمِلاوشوچې سپېن ته راونېدونکےوو. هغهٔ خپله کرايه ورکړه اؤپه جهازکښې سپېن ته په سفرروان شو،خيال يې داووچې هلته به به دمالک خدائ نه لرې وی.

⁴خومالِک خدائ په سمندرباندې يولوئ طوفان راوستو،اؤطوفان دومره سخت ووچې دجهازدماتېدوخطره وه.

⁵دجهازوالاډېرويرېدل اؤهريوخپل خدائ ته چغې وهلې. هغوی دخطرې کميدلودپاره،سامان سمندرته وغورزولو. په دغه وخت کښې، يُونس په جهازکښې لاندې تلےوو، اؤپه خوږخوب أودهٔ پروت وو.

⁶دجهازمشرهغه هلته وليدونوورته يې ووئيل، “تهٔ ولې اُودهٔ يې؟ پاڅه اؤخپل خدائ ته سوال وکړه. کېدےشی چې هغه زمُونږخيال وساتی نومُونږبه بچ شُو.”

⁷دجهازوالايوبل ته ووئيل، “راځئ چې پچه واچوُوچې معلومه شی چې دچا په وجه په دې خطره کښې راګېرشوی يُو.” نودوئ چې کله پچه واچوله هغه ديُونس په نُوم راووتله.

⁸نودجهازوالاورته ووئيل: “نواوس تهٔ مُونږته ووايه! چې دادچاپه وجه وشول؟ تهٔ دلتهڅهٔ کوې؟ تهٔ دکُوم وطن نه راغلےيې؟ اؤتهٔ دکُوم قوم يې؟”

⁹نويُونس ورته ووئيل، “زهٔ عبرانےيم، زهٔ دمالِک خدائ عِبادت کُوم چې دآسمان خدائ پاک دے، چاچې زمکه اؤسمندرپېداکړی دی.”

¹⁰يُونس هغوی ته هم داسې ووئيل چې هغه دمالِک خدائ نه تښتېدلو. دجهازوالاډېرويرېدل، نوهغهٔ ته يې ووئيل، “داتاډېربدکړی دی.”

¹¹هغه طوفان وخت په وخت نورهم زياتېدلو، نودجهازوالادهغهٔ نه تپوس وکړو، “مُونږستاسره څهٔ چل وکړُوچېد داطوفان ودرېږی؟”

¹²يُونس ورته ووئيل، “ماسمندرته وغورزوئ، نوطوفان به قلارشی. ماته پته ده چې تسوپه دې خطرناک طوفان کښې زمادغلطۍ په وجه راګېرشوی يئ.”

¹³په باوجُودددې چې هغوی جهازدسمندرغاړې ته دبوتلوکوشش کولو، هغوی په خپل ټول طاقت سر ه جهازچلولو. خوطوفان نورهم زياتېدو، اؤ غاړې ته ونهٔ رسېدل.

¹⁴نوهغوی مالِک خدائ ته چغې کړې، “اےزمُونږه مالِکه خُدايه، مُونږتاته سوال کوُوچې ددې سړی دژوندختمولوپه وجه مُونږ له سزامهٔ راکوه! مالِکه خُدايه! داهرڅهٔ چې کيږې داستارضاده.”

¹⁵نوبيا هغوی يُونس اُوچت کړواؤسمندرته يې وغورزولو، نوطوفان سمدستی قلارشو.

¹⁶په دې کارهغوی دمالِک خدائ نه ډېرويرېدل اؤيوه قُربانی يې پېش کړه. اؤقسمُونه يې وخوړل چې دمالک خدائ خدمت به کۇو.

¹⁷خودمالِک خدائ په حُکم يوغټ کب راغےاويُونس يې ثابت تېرکړو، اؤهغه دکب په ګېډه کښې درې ورځې اؤدرې شپې وو.