Read Pashto Bible (Yusufzai) — د پښتو مقدس کتاب يُونس 3 Bible Online

يُونس 3 - Pashto Bible (Yusufzai) — د پښتو مقدس کتاب bible

يُونس 3

¹يوځل بيامالک خدائ يُونس ته ووئيل چې،

²“هغه لوئ ښارنينيوه ته لاړشه، اؤچې ماکُوم پېغام درکړےدےهغه خلقوته ورسوه.”

³نويُونس دمالِک خدائ حُکم ومنلواؤنينيوه ته لاړو، هغه يو دومره لوئ ښارووچې ددريوورځودپيادل مزل برابروو.

⁴يُونس په ښارکښې روان وو، ټوله ورځ مزل کولونه پس هغهٔ اِعلان وکړوچې، “څلوېښت ورځې پس به نينيوه تباه شی.”

⁵دنينيوه خلقودخدائ پاک په پېغام يقين وکړو. نوهغوی دا فېصله وکړه چې هريوکس به روژه ونيسی، اؤټول خلق، واړهٔ اؤلوئ ټول به دټاټ جامې اغوندی ددې دپاره چې ښکاره کړی چې هغوی توبه ګارشوی دی.

⁶چې کله دنينيوه بادشاه ددې نه خبرشو، نودخپل تخت نه کُوزشو، چُوغه يـې وويستله، دټـاټ جامې يـې واغوستې اؤپه ايروکښې کښېناستو.

⁷هغهٔ دنينيوه خلقوله حُکم ورکړوچې “دادبادشاه اؤدهغهٔ دوزېرانوحُکم دےچې هيڅوک به هيڅ نهٔ خوری. څاروی اؤ ګډې به هم نهٔ څهٔ خوری اؤنهٔ څهٔ څښی.

⁸ټول خلق اؤځناوربه دټاټ جامې اغوندی. هريودې دزړهٔ داِخلاصه خدائ پاک ته سوال وکړی اؤهريودې بدعملُونه اؤخپله بدمعاشی پرېږدی.

⁹کېدے شی چې خدائ پاک خپله فېصله بدله کړی، کېدےشی چې دهغهٔ غُصه سړه ش، نومُونږبه د عذاب نه بچ شو.”

¹⁰خدائ پاک دهغوی هرڅهٔ وليدل. هغهٔوليدل چې هغوی غلطې طريقې پرښودلې دی. نوخدائ پاک خپله فېصله بدله کړه اؤدوئ له يې سزاورنهٔ کړه لکه څنګه چې هغهٔ وئيلی وُو.