Read Pashto Bible (Yusufzai) — د پښتو مقدس کتاب شمېر 29 Bible Online

شمېر 29 - Pashto Bible (Yusufzai) — د پښتو مقدس کتاب bible

شمېر 29

¹د اوومې مياشتې په وړومبۍ ورځ به تاسو د عِبادت د پاره راغونډېږئ اؤ په دې ورځ به هيڅ کار نۀ کېږى. په هغه ورځ به بيګل وغږېږى.

²مالِک خُدائ ته يو سوزېدُونکې نذرانه پېش کړئ، د دې بُوئ په مالِک خُدائ باندې ښۀ لګې : يو څخے، يو ګډ، اووۀ يو کالن ګډُورى، چې په يو کښې هم هيڅ عېب نۀ وى.

³د اوړو صحيح نذرانه پېش کوئ چې د زيتُونو تېل ورسره ګډ وى : درې کيلو د څخى سره اؤ دوه کيلو د ګډ سره،

⁴اؤ يو کيلو د هر يو ګډُورى سره.

⁵د ګُناه نذرانې په توګه يو چېلے هم پېش کوئ اؤ د خپل ځان کفاره ادا کوئ.

⁶د دې مياشتې د وړومبۍ ورځې د پاره د هرې ورځې د سوزېدُونکې نذرانې نه علاوه د دې د غلې نذرانې سره پېش کوئ : اؤ د هرې ورځې سوزېدُونکې نذرانه ورسره د دې د غلې نذرانه اؤ د څښلو نذرانه. په اور تيارېدُونکې د دې نذرانو بُوئ په مالِک خُدائ باندې ښۀ لګې.

⁷د اوومې مياشتې په لسمه ورځ د عِبادت د پاره راغونډېږئ، هيڅ څيز به نۀ خورئ اؤ نۀ به څۀ کار کوئ.

⁸مالِک خُدائ ته يوه سوزېدُونکې نذرانه پېش کوئ، د دې بُوئ په هغۀ باندې ښۀ لګې : يو څخے، يو ګډ، اووۀ يو کالن ګډُورى، چې په يو کښې هم هيڅ عېب نۀ وى.

⁹د غلې دانې صحيح نذرانه پېش کوئ چې په اوړو کښې د زيتُونو تېل ورسره ګډ وى : درې کيلو اوړۀ د څخى سره، دوه کيلو د ګډ سره،

¹⁰اؤ يو کيلو د هر يو ګډُورى سره.

¹¹د ګُناه نذرانې په توګه يو چېلے هم پېش کوئ، د هغې نه علاوه کُوم چېلے چې د کفارې د پاره پېش شوے وى اؤ د هرې ورځې نذرانه د هغې د غلې نذرانې اؤ د څښلو نذرانې سره.

¹²د اوومې مياشتې په پينځلسمه ورځ د عِبادت د پاره راغونډېږئ. د مالِک خُدائ په درناوى کښې اووۀ ورځې دا اختر کوئ اؤ هيڅ کار مۀ کوئ.

¹³په وړومبۍ ورځ په اور تيارېدُونکې نذرانه مالِک خُدائ ته پېش کوئ، د دې بُوئ په هغۀ باندې ښۀ لګې : ديارلس څخى، دوه ګډان اؤ څوارلس يو کالن ګډُورى، چې په يو کښې هم هيڅ عېب نۀ وى.

¹⁴د غلې صحيح نذرانه پېش کوئ چې په اوړو کښې ورسره د زيتُونو تېل ګډ وى : درې کيلو اوړۀ د هر يو څخى سره، دوه کيلو د هر يو ګډ سره،

¹⁵اؤ يو کيلو د هر يو ګډُورى سره.

¹⁶د هرې ورځې سوزېدونکې نذرانې، د غلې نذرانې اؤ د څښلو نذرانې نه علاوه د ګُناه نذرانې په توګه يو چېلے هم پېش کوئ پېش کوئ.

¹⁷په دويمه ورځ دولس څخى، دوه ګډان اؤ څوارلس يو کالن ګډُورى پېش کړئ، چې په يو کښې هم هيڅ عېب نۀ وى.

¹⁸د دې سره هغه نورې ټولې نذرانې پېش کوئ چې کُومې د وړومبۍ ورځې د پاره وى.

²⁰په دريمه ورځ يولس څخى، دوه ګډان اؤ څوارلس يو کالن ګډُورى پېش کړئ، چې په يو کښې هم هيڅ عېب نۀ وى.

²¹د دې سره هغه نورې ټولې نذرانې پېش کوئ چې کُومې د وړومبۍ ورځې د پاره وى.

²³په څلورمه ورځ لس څخى، دوه ګډان اؤ څوارلس يو کالن ګډُورى پېش کړئ، چې په يو کښې هم هيڅ عېب نۀ وى.

²⁴د دې سره هغه نورې ټولې نذرانې پېش کوئ چې کُومې د وړومبۍ ورځې د پاره وى.

²⁶په پينځمه ورځ نهۀ څخى، دوه ګډان اؤ څوارلس يو کالن ګډُورى پېش کړئ، چې په يو کښې هم هيڅ عېب نۀ وى.

²⁷د دې سره هغه نورې ټولې نذرانې پېش کوئ چې کُومې د وړومبۍ ورځې د پاره وى.

²⁹په شپږمه ورځ اتۀ څخى، دوه ګډان اؤ څوارلس يو کالن ګډُورى پېش کړئ، چې په يو کښې هم هيڅ عېب نۀ وى.

³⁰د دې سره هغه نورې ټولې نذرانې پېش کوئ چې کُومې د وړومبۍ ورځې د پاره وى.

³²په اوومه ورځ اووۀ څخى، دوه ګډان اؤ څوارلس يو کالن ګډُورى قُربانى کړئ، چې په يو کښې هم هيڅ عېب نۀ وى.

³³د دې سره هغه نورې ټولې نذرانې پېش کوئ چې کُومې د وړومبۍ ورځې د پاره وى.

³⁵په اتمه ورځ د عِبادت د پاره راغونډېږئ اؤ هيڅ کار مۀ کوئ.

³⁶په اور تيارېدُونکې نذرانې په توګه يوه سوزېدُونکې نذرانه مالِک خُدائ ته پېش کړئ، د دې بُوئ په هغۀ باندې ښۀ لګې : يو څخے، يو ګډ، اووۀ يو کالن ګډُورى، چې په يو کښې هم هيڅ عېب نۀ وى.

³⁷د دې سره هغه نورې ټولې نذرانې پېش کوئ چې کُومې د وړومبۍ ورځې د پاره وى.

³⁹دا اصُول د سوزېدُونکې نذرانې، د غلې دانې نذرانې، د څښلو نذرانې اؤ د سلامتۍ نذرانې د پاره دى چې تاسو يې مالِک خُدائ ته په خپلو مُقررو اخترُونو کښې پېش کوئ. دا د هغه نذرانو نه علاوه دى چې تاسو يې د يوې منختې د پُوره کېدو د نذرانو يا د رضاکارانه نذرانو په توګه ورکوئ.“

⁴⁰نو مُوسىٰ بنى اِسرائيلو ته هغه هر څۀ ووئيل چې مالِک خُدائ هغۀ ته د څۀ حُکم کړے وو.