Read Pashto Bible (Yusufzai) — د پښتو مقدس کتاب شمېر 7 Bible Online

شمېر 7 - Pashto Bible (Yusufzai) — د پښتو مقدس کتاب bible

شمېر 7

¹په هغه ورځ مُوسىٰ د مالِک خُدائ د حضُور مُقدسه خېمه ودرول پُوره کړل، هغۀ مُقدسه خېمه د دې ټول سامان، قُربان‌ګاه اؤ د هغې ټول سامان په تېلو غوړ کړل اؤ وقف يې کړل.

²بيا د اِسرائيليانو د قبيلو مشران، کُوم چې د مردُم شمارۍ مشران وُو

³هغوئ خپلې نذرانې مالِک خُدائ ته راوړلې : شپږ لوئې ګاډۍ اؤ دولس غوَيى، د دوه مشرانو د پاره يوه ګاډۍ اؤ د هر مشر د پاره يو غوَيے. کله چې هغوئ دا حاضر کړل،

⁴نو مالِک خُدائ مُوسىٰ ته ووئيل،

⁵”دا تُحفې قبُولې کړه چې د مُقدسې خېمې په خِدمت کښې اِستعمال شى، دا ليويانو ته د هغه خِدمت د پاره ورکړه کُوم چې هغوئ کوى.“

⁶نو مُوسىٰ ګاډۍ اؤ غوَيان ليويانو له ورکړل.

⁷هغۀ دوه ګاډۍ اؤ څلور غوَيى جيرسونيانو له ورکړل،

⁸اؤ څلور ګاډۍ اؤ اتۀ غوَيان يې مراريانو له ورکړل. دا ټول خِدمت د هارُون زوئ اِتمر د رهنمايۍ لاندې وشو.

⁹خو قُهاتيانو له يې ګاډۍ يا غوَيان ورنۀ کړل، ځکه چې هغوئ د کُومو مُقدسو څيزُونو ساتنه کوله هغه د هغوئ په اُوږو باندې وړلے شول.

¹⁰مشرانو د قُربان‌ګاه وقف کولو د پاره هم نذرانې راوړې. کله چې هغوئ خپلې نذرانې په قُربان‌ګاه باندې پېش کولو ته تيار شول،

¹¹مالِک خُدائ مُوسىٰ ته ووئيل، ”مشرانو ته ووايه چې دولس ورځې به هره ورځ يو يو مشر د قُربان‌ګاه د وقف کولو د پاره خپلې نذرانې پېش کوى.“

¹²هغوئ به په دې ترتيب باندې خپلې نذرانې پېش کړى : په وړومبۍ ورځ د يهُوداه قبيلې مشر نحشون زوئ د عميناداب، په دويمه ورځ د يساکار قبيلې مشر نتنى‌اېل زوئ د ضُعر، په دريمه ورځ د زبولون قبيلې مشر اِلياب زوئ د حيلون، په څلورمه ورځ د روبين قبيلې مشر اليصور زوئ د شدِيُور، په پينځمه ورځ د شمعُون قبيلې مشر سلومى‌اېل زوئ د صورشدى، په شپږمه ورځ د جاد قبيلې مشر اِلياسف زوئ د دعو‌اېل، په اوومه ورځ د اِفرائيم قبيلې مشر اليسمع زوئ د عميهود، په اتمه ورځ د منشه قبيلې مشر ګملى‌اېل زوئ د فداهصور، په نهمه ورځ د بنيامين قبيلې مشر ابِدان زوئ د جدعونى، په لسمه ورځ د دان قبيلې مشر اخيعزر زوئ د عمى‌شدى، په يولسمه ورځ د آشر قبيلې مشر فجعى‌اېل زوئ د عکران، په دولسمه ورځ د نفتالى قبيلې مشر اخيرع زوئ د عينان. هره يوه نذرانه چې راوړلے شوه مِقدار يې دا وو : يو د سپينو زرو جام يو نيم کيلو اؤ يو د سپينو زرو ښانک اتۀ سوه ګرامه، دا د منلے شوى معيار په مُطابق وُو، دا دواړه د اوړو نه ډک وُو اؤ تېل ورسره ګډ وُو، دا د غلې نذرانې د پاره وُو، يو د سرو زرو لوښے يو سل اؤ لس ګرامه د خوشبويۍ نه ډک وُو، يو څخے، يو ګډ اؤ د يو کال ګډُورے، دا د سوزېدُونکې نذ(...)

⁸⁴هغه دولسو مشرانو چې کُومې نذرانې راوړې چې په قُربان‌ګاه باندې يې وقف کړى هغه ټولې دا دى : دولس د سپينو زرو جامُونه اؤ دولس د سپينو زرو ښانکُونه، دا ټول اتۀ‌ويشت کيلو وُو، دولس د سرو زرو لوښى، دا ټول يو نيم کيلو وُو چې د خوشبويۍ نه ډک وُو، دولس غوَيى، دولس ګډان اؤ دولس يو کالن ګډُورى، ورسره د غلې نذرانې هم يوړلے شوې، دا د سوزېدُونکې نذرانو د پاره وُو، دولس چېلى د ګُناه نذرانو د پاره وُو اؤ څليريشت غوَيى، شپېتۀ ګډان، شپېتۀ چېلى، شپېتۀ يو کالن ګډُورى، دا د وقف کولو نذرانې د پاره وُو.

⁸⁹کله چې مُوسىٰ مُقدسې خېمې ته دننه لاړو چې د مالِک خُدائ سره خبرې وکړى، هغۀ د مالِک خُدائ خبرې واؤرېدلې چې د تړون صندُوق د سر د پاسه اؤ د دوه وزرو والا مخلُوق د مېنځ نه يې د هغۀ سره کولې.