Read Pashto Bible (Yusufzai) — د پښتو مقدس کتاب لوقا 3 Bible Online

لوقا 3 - Pashto Bible (Yusufzai) — د پښتو مقدس کتاب bible

لوقا 3

¹د تیبریوس امپراتور د حکومت په پنځلسم کال کله چې پنتیوس پیلاتوس د یهودیې والي ؤ او هیرودیس د جلیل حاکم ؤ او د هغه ورور فیلیپاس د ایتوریې او ترخونیتس د سیمو حاکم او لیسانیوس د آبیلیې حاکم ؤ،

²او حنا او قیافا لوی کاهنان وو، په هغه وخت کې د خدای کلام په دښته کې د زکریا په زوی یحیی باندې نازل شو.

³نو یحیی د اردن د سیند شاوخوا ټوله سیمه کې ګرځیده او وعظ یې کاوه چې د خپلو ګناهونو د بخښنې په خاطر توبه وباسئ او د تعمید غسل واخلئ.

⁴لکه څنګه چې د اشعیا پیغمبر په کتاب کې لیکل شوي دي: «یو څوک چیغې وهي په بیابان کې کړئ تیاره د څښتن دپاره لاره لاره کړې سمه د هغه دپاره

⁵ډکه به شي هره دره هواره به شي هره غونډۍ او غر کږې لارې به شي سمې او شي به هوارې ناهوارې لارې

⁶بیا به وویني ټول خلک د خدای خلاصون»

⁷یحیی هغو ګڼ شمیر خلکو ته چې د هغه په لاس د تعمید غسل اخیستلو ته راغلي وو، وویل: «ای د مارانو بچیانو! تاسو چا خبر کړئ چې د راتلونکې غضب څخه وتښتئ؟

⁸نو بیا داسې کارونه وکړئ ترڅو دا وښایي چې تاسو د ګناهونو نه توبه ویستلې ده. د خپلو ځانونو سره داسې مه وایئ چې مونږ د ابراهیم په شان پلار لرو. ځکه چې زه درته وایم چې خدای کولای شي د دې تیږو څخه هم ابراهیم ته اولادونه پیدا کړي.

⁹همدا اوس د ونو بیخونو ته تبر نیول شوی دی او هره ونه چې ښه مېوه نه نیسي هغه به ووهل شي او په اور کې به واچول شي.»

¹⁰خلکو د هغه څخه پوښتنه وکړه: «نو بیا مونږ څه وکړو؟»

¹¹هغه ځواب ورکړ: «څوک چې دوه کمیسونه لري نو یو دې هغه چا ته ورکړي چې نه یې لري او همدارنګه چا سره چې خواړه وي هغه دې هم د نورو سره ووېشي.»

¹²مالیه ټولوونکي هم د تعمید د غسل اخیستلو دپاره راغلل او پوښتنه یې ترې وکړه: «ای استاده! مونږ باید څه وکړو؟»

¹³هغه ځواب ورکړ: «د ټاکل شوې اندازې څخه زیاته مالیه مه اخلئ.»

¹⁴همدارنګه ځینو عسکرو هم ورڅخه پوښتنه وکړه: «او مونږ څه وکړو؟» هغوی ته یې وویل: «د چا څخه په زوره پیسې مه اخلئ او په هیچا باندې په دروغو تور مه لګوئ. په خپل معاش باندې قناعت وکړئ.»

¹⁵خلکو انتظار کاوه او په خپلو زړونو کې یې د یحیی په هکله فکر کاوه چې هغه به مسیح وي که نه.

¹⁶نو یحیی هغوی ټولو ته وویل: «زه تاسو ته په اوبو باندې د تعمید غسل درکوم، خو یو څوک راروان دی چې هغه زما څخه ډېر زیات لوی دی. زه حتی د دې لایق هم نه یم چې د هغه د څپلیو تسمې خلاصې کړم. هغه به تاسو ته په روح القدس او په اور باندې د تعمید غسل درکوي.

¹⁷هغه خپله ښاخۍ په لاس کې نیولې ده چې خپل درمند پاک کړي او غنم په خپل ګودام کې سره راټول کړي، خو بوس به په هغه اور کې سوځوي چې هیڅکله نه مړ کیږي.»

¹⁸یحیی په ډېرو نورو طریقو خلک هڅول او هغوی ته یې زېری اورولو.

¹⁹خو یحیی هیرودیس والي د خپلې ورېندارې هیرودیا سره د ناروا اړیکو درلودلو او نورو ټولو بدو کارونو له امله ملامت کړ.

²⁰بیا زندان ته د یحیی په اچولو سره هیرودیس یو بل بد کار هم وکړ.

²¹کله چې ټولو خلکو ته د تعمید غسل ورکړل شو، نو عیسی ته هم د تعمید غسل ورکړل شو. کله چې هغه دعا کوله نو د آسمان دروازه پرانیستل شوه

²²او روح القدس په هغه باندې د کوترې په شکل نازل شو او د آسمان څخه یو آواز راغی: «ته زما ګران زوی یې. زه ستا نه خوشحاله یم.»

²³عیسی شاوخوا د دېرشو کالو په عمر ؤ چې خپل خدمت یې پیل کړ او خلکو ګومان کاوه چې هغه د یوسف زوی دی. یوسف د هالي زوی ؤ،

²⁴هالي د متات زوی ؤ، متات د لاوي زوی ؤ، لاوي د ملکي زوی ؤ، ملکي د ینا زوی ؤ، ینا د یوسف زوی ؤ،

²⁵یوسف د متاتیا زوی ؤ، متاتیا د عاموس زوی ؤ، عاموس د ناحوم زوی ؤ، ناحوم د حسلي زوی ؤ، حسلي د نجي زوی ؤ.

²⁶نجي د مات زوی ؤ، مات د متاتیا زوی ؤ، متاتیا د شمعي زوی ؤ، شمعي د یوسک زوی ؤ، یوسک د یوداه زوی ؤ.

²⁷یوداه د یوحنا زوی ؤ، یوحنا د ریسا زوی ؤ، ریسا د زروبابل زوی ؤ، زروبابل د شلتي اییل زوی ؤ، شلتي اییل د نیري زوی ؤ،

²⁸نیري د ملکي زوی ؤ، ملکي د آدي زوی ؤ، آدي د قوسام زوی ؤ، قوسام د ایلمودام زوی ؤ، ایلمودام د عیر زوی ؤ،

²⁹عیر د یوشع زوی ؤ، یوشع د ایلعازر زوی ؤ، ایلعازر د یوریم زوی ؤ، یوریم د متات زوی ؤ، متات د لاوي زوی ؤ،

³⁰لاوي د شمعون زوی ؤ، شمعون د یهودا زوی ؤ، یهودا د یوسف زوی ؤ، یوسف د یونان زوی ؤ، یونان د ایلیاقیم زوی ؤ،

³¹ایلیاقیم د ملیا زوی ؤ، ملیا د مینان زوی ؤ، مینان د متاتا زوی ؤ، متاتا د ناتان زوی ؤ، ناتان د داود زوی ؤ،

³²داود د یسي زوی ؤ، یسي د عوبید زوی ؤ، عوبید د بوعز زوی ؤ، بوعز د شلمون زوی ؤ، شلمون د نحشون زوی ؤ،

³³نحشون د عمیناداب زوی ؤ، عمیناداب د ادمین زوی ؤ، ادمین د ارام زوی ؤ، ارام د حزرون زوی ؤ، حزرون د فارز زوی ؤ، فارز د یهودا زوی ؤ،

³⁴یهودا د یعقوب زوی ؤ، یعقوب د اسحاق زوی ؤ، اسحاق د ابراهیم زوی ؤ، ابراهیم د تارح زوی ؤ، تارح د ناحور زوی ؤ،

³⁵ناحور د سروج زوی ؤ، سروج د رعو زوی ؤ، رعو د فلج زوی ؤ، فلج د عابر زوی ؤ، عابر د صالح زوی ؤ،

³⁶صالح د قینان زوی ؤ، قینان د ارفکشاد زوی ؤ، ارفکشاد د سام زوی ؤ، سام د نوح زوی ؤ، نوح د لامک زوی ؤ،

³⁷لامک د متوشالح زوی ؤ، متوشالح د خنوخ زوی ؤ، خنوخ د یارد زوی ؤ، یارد د مهللییل زوی ؤ، مهللییل د قینان زوی ؤ،

³⁸قینان د انوش زوی ؤ، انوش د شیث زوی ؤ، شیث د آدم زوی ؤ، او آدم خدای پیدا کړی ؤ.