Read Pashto Bible (Yusufzai) — د پښتو مقدس کتاب اِفِسيانو 2 Bible Online

اِفِسيانو 2 - Pashto Bible (Yusufzai) — د پښتو مقدس کتاب bible

اِفِسيانو 2

¹تاسو هم دَ خپلو قصُورونو اَؤ ګُناهُونو په سبب مړۀ وئ،

²کله چه تاسو دَ دے دُنيا په کږو لارو روان وئ، اَؤ دَ هوا دَ عمل دارئ دَ حاکِم، يعنے دَ هغه رُوح پسے تللئ کُوم چه اوس په نافرمانو بچو کښے اثر کوى.

³په دوئ کښے مُونږ ټولو هم دَ خپل وجُود په خواهشُونو کښے ژوند تيرولو اَؤ دَ وجُود اَؤ نفس مرضى مو پُوره کوله، اَؤ دَ نورو په شان په اِنسانى طور دَ خُدائے دَ غضب دَ لاندے وُو.

⁴خو خُدائے چه په رحم غنى دے دَ هغۀ دَ خپلے لوئے مينے په سبب چه هغۀ زمُونږ سره وکړه

⁵چه مُونږ چه دَ ګُناهُونو په وجه مړۀ وُو نو مُونږ ئے دَ مسيح سره بيا ژوندى کړُو. تاسو په فضل خلاصُون مُوندلے دے.

⁶اَؤ خُدائے مُونږ دَ مسيح عيسىٰ سره راژوندى کړُو اَؤ په آسمان کښے ئے دَ هغۀ سره کښينولُو،

⁷چه هغۀ دَ مسيح عيسىٰ په وسيله مُونږ ته دَ مهربانئ په طور دا کړے وو، هغۀ دا ځکه وکړو چه په راتلُونکو زمانو کښے هغه خپل بے اندازے فضل په مُونږ ښکاره کړى.

⁸ځکه چه تاسو دَ ايمان په وسيله په فضل خلاصُون مُوندلے دے، دا ستاسو له طرفه نه نه، بلکه دَ خُدائے بخښنه ده.

⁹اَؤ دا دَ عملُونو په سبب نۀ ده، دَ پاره دَ دے چه څوک فخر ونۀ کړى.

¹⁰ځکه چه مُونږ هم خُدائے جوړ کړى يُو اَؤ مُونږ دَ مسيح عيسىٰ په يووالى کښے دَ هغه ښۀ کارُونو دَ پاره پيدا شوى يُو کُوم چه خُدائے دَ اول نه مُونږ دَ پاره تيار کړى وُو.

¹¹نو ياد لرئ چه تاسو په پيدائشى طور دَ غيرو يهُوديانو نه وئ، اَؤ يهُوديان چه په لاسو سُنت شوى دى چه دَ سُنتيدو په سبب سُنت شوى بللے شى، تاسو ته نا سُنت وائى.

¹²تاسو په تيره زمانه کښے دَ مسيح نه جُدا، دَ اِسرائيل دَ بادشاهئ نه خارج، اَؤ دَ وعدے دَ لوظُونو نه نابلده، نااُميده اَؤ په دُنيا کښے دَ خُدائے نه جُدا وئ.

¹³خو تاسو چه اول لرے وئ اَؤ دَ مسيح په يووالى کښے دَ مسيح دَ وينے په وسيله نزدے شوئ.

¹⁴ځکه چه هم هغه زمُونږ صُلح ده، يعنے دَ يهُوديانو اَؤ دَ غير يهُوديانو. اَؤ دَ جُدائى کُوم ديوال چه په مينځ کښے وو، هغه ئے ونړوو،

¹⁵يعنے دَ شريعت هغه حُکم چه دَ شريعت په طور وو، ئے منسُوخ کړو چه خپل ځان کښے دَ دواړو نه يو نوے اِنسان پيدا کړى اَؤ صُلح راولى،

¹⁶اؤ دَ خپلے سُولئ په وسيله دُښمنى ختمه کړى چه دَ هغے په وسيله دواړه په يو بدن کښے شريک کړى اَؤ خُدائے سره ئے يو کړى.

¹⁷مسيح راغے اَؤ تاسو چه لرے وئ اَؤ هغه چه نزدے وُو، دواړو تۀ ئے دَ صُلح زيرے درکړو.

¹⁸ځکه چه دَ هغۀ په وسيله مُونږ دواړه دَ يو رُوح په وسيله دَ پلار په حُضور کښے حاضريږُو.

¹⁹نو اوس بيا تاسو پردى اَؤ مُسافران پاتے نۀ شوئ بلکه دَ پاکانو دَ وطن اَؤ دَ خُدائے دَ کورنئ شوئ.

²⁰اَؤ دَ رسُولانو اَؤ نبيانو په بُنياد تاسو ودان کړے شوى يئ چه دَ ګُوټ سره کاڼے په خپله مسيح عيسىٰ دے.

²¹مسيح په خپله دَ هغے ماڼئ هره يوه حصه يو ځائے ساتى چه په رب کښے يو پاک کور جوړ شى.

²²نو تاسو هم دَ هغۀ په يووالى کښے دَ نورو سره دَ خُدائے يو داسے کور جوړيږئ چه په کُوم کښے خُدائے دَ خپل رُوح په وسيله اوسيږى.