Read Pashto Bible (Yusufzai) — د پښتو مقدس کتاب يوشع 15 Bible Online

يوشع 15 - Pashto Bible (Yusufzai) — د پښتو مقدس کتاب bible

يوشع 15

¹د يهوداه قبيلې کورَنو ته د زمکې يوه حِصه مِلاو شوه چې داسې بيان شوې ده: هغه مُلک په جنوب کښې د ادوم د سرحد سره د صين صحرا آخرى جنوبى سر ته ورسېدو.

²دا جنوبى سرحد د مړ درياب د جنوبى سر نه لاړو،

³او په جنوب کښې د لړم درې نه واخله تر صين پورې تلے وو. دا په جنوب کښې د قادِس برنيع نه تلے وو، د حصرون نه تېر وو او ادار ته رسېدلے وو او قرقع ته تاو وو،

⁴او عضمون ته تلے وو او د مديتران سمندر ته د مِصر په سرحد باندې په نِهر باندې تلے وو، سرحد هلته ختم شوے وو. دا د يهوداه جنوبى سرحد وو.

⁵نَمرخاتۀ طرف ته سرحد يې مړ درياب وو، دا تر هغه خليج پورې تلے وو چرته چې د اُردن سيند خالى کېږى. شمالى سرحد د هغه ځائ نه شروع کېدو،

⁶چې د بيت حجله پورې خور وو او د هغه غاړې په شمالى طرف تلے وو چې د هغې نه د اُردن وادى ښکارېده. بيا دا بوهن کاڼى پورې تلے وو بوهن د روبين زوئ وو،

⁷د مصيبت د وادۍ نه تر دبير پورې او بيا په شمال کښې د جِلجال طرف ته تاو وو، چې مخ يې د وادۍ جنوبى طرف ته د اُدميم درې ته دے. دا د عين شمس د چينو نه عين راجل ته تلے وو،

⁸کوم چې د غر جنوبى طرف ته د هنوم درې نه تېر شوے وو چرته چې د يبوسيانو يروشليمى ښار وو. سرحد بيا د هنوم وادۍ نمرپرېواتۀ طرف ته پاس غر ته ختلے وو، چې د رفائيم وادۍ شمالى سر سره دے.

⁹د هغه ځائ نه دا د نتفوح چينو ته او بهر د عِفرون سره نزدې ښارونو ته تلے وو. دا هلته د بعله يعنې قريت يعريم طرف ته تاو وو،

¹⁰چرته چې دا د ادوم د غرونو مُلک طرف ته د بعله نمرپرېواتۀ طرف ته تاو وو، د يعريم يعنې کسلون غرۀ شمالى طرف ته، لاندې بيت شمس ته تلے وو او د تمنت نه تېر وو.

¹¹سرحد بيا د عقرون شمالى طرف ته غرۀ ته تلے وو، د سکرون طرف ته تاو وو، د بعله غر نه تېر وو او يبنى اېل ته تلے وو. دا د مديتران سمندر سره ختم وو،

¹²چې د هغې نه نمرپرېواتۀ طرف ته سرحد جوړ وو. په دې سرحدونو کښې د يهوداه د کورَنو خلق اوسېدل.

¹³لکه څنګه چې مالِک خُدائ يشوَع ته حُکم کړے وو، د يهوداه د علاقې يوه حِصه د يفُنه زوئ کالب له ورکړے شوې وه. هغۀ ته حبرون مِلاو شو، دا ښار د اربع وو کوم چې د عناقيانو پلار وو.

¹⁴کالب د عناقيانو هغه اولاد د ښار نه وويستلو، چې د سيسى، اخيمان او تلمى ډلې وې.

¹⁵د هغې ځائ نه هغه لاړو چې د دبير په اوسېدونکو باندې حمله وکړى. هغه ښار مخکښې قريت سفر بللے شو.

¹⁶کالب ووئيل، ”زۀ به خپله لور عکسه هغه سړى له ورکړم چې وادۀ يې کړى چې کوم سړے د قريت سفر په قبضه کولو کښې کامياب شى.“

¹⁷د کالب ورارۀ او د قنز زوئ عتنى اېل هغه ښار قبضه کړو، نو کالب خپله عکسه لور هغۀ ته وادۀ کړه.

¹⁸د وادۀ په ورځ هغې عتنى اېل دې ته رضا کولو چې د هغې د پلار نه يو پټے وغواړى. هغه د خپل خر نه کُوزه شوه او کالب ترې نه تپوس وکړو چې، ”تۀ څۀ غواړې.“

¹⁹هغې ورته ووئيل، ”زما سره ښۀ وکړه، زۀ د اوبو يو څو چينې غواړم. تا چې ما له کومه زمکه راکړې ده هغه په اوچ مُلک کښې ده.“ نو کالب هغې له پاسنۍ او لاندينۍ چينې ورکړې.

²⁰دا هغه زمکه وه چې د يهوداه قبيلې کورَنو ته مِلاو شوه چې د هغوئ ميراث شى.

²¹په جنوب کښې په آخرى سر کښې دا ښارونه د هغوئ وُو، کوم چې د ادوم سرحد سره نزدې وُو، هغه دا وُو، قبضى‌اېل، عدر، يجور،

²²قينه، ديمونه، عدعده،

²³قادِس، حصور، اِتنان،

²⁴زيف، تلم، بعلت،

²⁵حصور حدته، قريت حصرون يا حصور،

²⁶اِمام، سمع، مولاده،

²⁷حصار جده، حشمون، بيت فِلِط،

²⁸حصار سعول، بيرسبع، بزيوتياه،

²⁹بعله، عييم، عضم،

³⁰التولد، کسيل، حُرمه،

³¹صِقلاج، مدمنه، سنسناه،

³²لباوت، سِلحيم، عين او رمون: دا ټول نهۀ ‌ويشت ښارونه وُو، چې د دې نه ګېرچاپېره کلى هم وُو.

³³د غرونو په لمنو کښې دا ښارونه وُو، اِستال، صُرعا، اسنا،

³⁴زنوح، عين جنيم، تفوح، عينام،

³⁵يرموت، عدولام، شوکه، عزيقه،

³⁶شعريم، عديتيم، جديره او جديروتيان: دا څوارلس ښارونه وُو چې د هغې نه ګېرچاپېره کلى وُو.

³⁷هلته دا ښارونه هم وُو، ضنان، حداشه، مجدل اېل،

³⁸دلعان، مصفاه، يقتى اېل،

³⁹لکيس، بُصقت، عجلون،

⁴⁰کبون، لحماس، کِتليس،

⁴¹جديروت، بيت دجون، نعمه او مقيده: دا شپاړس ښارونه وُو، چې د دې نه ګېرچاپېره کلى وُو.

⁴²هلته دا ښارونه هم وُو، لِبناه، عتر، عسن،

⁴³يفتاح، اسنا، نصيب،

⁴⁴قعيله، اکزيب او مريسه: نهۀ ښارونه، چې ګېرچاپېره ترې نه کلى هم وُو.

⁴⁵هلته عقرون د واړو ښارونو او د کلو سره وُو،

⁴⁶او د عقرون نه تر مديتران سيند پورې، ټول ښارونه او د اشدود سره نزدې کلى.

⁴⁷هلته اشدود او غزه، د خپلو وړو ښارونو او کلو سره وُو، چې دا د مِصر په سرحد باندې نِهر او د مديتران سيند غاړې ته رسېدلى وُو.

⁴⁸د غرونو په مُلک کښې دا وُو: سمير، يتير، شوکه،

⁴⁹دناه، قريت سفر يا دبير،

⁵⁰عناب، استموع، عنيم،

⁵¹جشن، حولون او جلوه: يولس ښارونه، چې د دې نه ګېرچاپېره کلى وُو.

⁵²هلته عرب، دومه، اشعان،

⁵³ينيم، بيت تفوح، افيقه،

⁵⁴حُمطه، حبرون او صيعور وُو: نهۀ ښارونه، چې ګېرچاپېره ترې نه کلى هم وُو.

⁵⁵هلته دا ښارونه وُو، معون، کرمل، زيف، يُوطه،

⁵⁶يزرعيل، يقدِعام، زنوح،

⁵⁷قين، جبعه او تمنت: لس ښارونه، چې ګېرچاپېره ترې نه کلى هم وُو.

⁵⁸هلته حلحُول، بيت صور، جدور،

⁵⁹معرات، بيت عنات او التقون وُو: شپږ ښارونه، چې ګېرچاپېره ترې نه کلى هم وُو.

⁶⁰هلته قريت بعل يا قريت يعريم او ربه وُو: دوه ښارونه، چې ګېرچاپېره ترې نه کلى هم وُو.

⁶¹په صحرا کښې بيت اراباه، مدين، سکاکه،

⁶²د مالګې ښار، نِبسان او عين جدى وُو: شپږ ښارونه چې ګېرچاپېره ترې نه کلى هم وُو.

⁶³خو د يهوداه خلق د دې قابِل نۀ وُو چې هغه يبوسيان وشړى کوم يبوسيان چې په يروشلم کښې اوسېدل. يبوسيان تر اوسه پورې هلته د يهوداه د خلقو سره اوسېږى.