Read Pashto Bible (Yusufzai) — د پښتو مقدس کتاب يوشع 19 Bible Online

يوشع 19 - Pashto Bible (Yusufzai) — د پښتو مقدس کتاب bible

يوشع 19

¹دويمه پچه د شمعون قبيلې د کورَنو راووتله دا علاقه د يهوداه قبيلې په علاقه کښې دننه وه.

²په دې کښې بير سبع يا شيبا، مولاده،

³حصار سعول، بالاه، عضم،

⁴التولد، بيت‌اېل، حُرمه،

⁵صِقلاج، بيت مرکبوت، حصار سوسه،

⁶بيت لباوت او ساروحن شامِل وُو: دا ديارلس ښارونه وُو چې ګېرچاپېره ترې کلى وُو.

⁷هلته عين، رِمون، عتر، عسن هم وُو: دا څلور ښارونه وُو، چې ګېرچاپېره ترې نه کلى وُو.

⁸په دې کښې هغه ټول کلى شامِل وُو چې تر لرې په جنوب کښې د بعلات بير يا راما پورې ښارونه ترې نه تاو وو. دا هغه مُلک وو چې د شمعون قبيلې کورَنو ته مِلاو شوے وو چې د هغوئ خپل ميراث شى.

⁹د يهوداه ميراث د ضرورت نه زيات وو نو په دې وجه د هغه علاقې يوه برخه د شمعون قبيلې له ورکړے شوې وه.

¹⁰دريمه پچه د زبولون قبيلې د کورَنو راووتله. هغوئ ته چې کومه زمکه مِلاو شوه هغه ساريد ته رسېدلې وه.

¹¹د مُلک سرحد د هغه ځائ نمرپرېواتۀ طرف مرعله ته تلے وو، چې دباست او د يقنِعام نَمرخاتۀ طرف ته د نِهر سره لګېدو.

¹²د ساريد په بله غاړه دا نَمرخاتۀ طرف ته د کِسلوت تبور سرحدته او بيا دبرت او يفيع ته تلے وو.

¹³دا د هغه ځائ نه نَمرخاتۀ په طرف جات حِفر او عته قاضين ته روان وو او د رِمون په لاره نيعه ته تاو وو.

¹⁴په شمال کښې سرحد د حناتون طرف ته تاو وو او د اِفتاح اېل وادۍ سره ختم وو.

¹⁵په دې کښې قطات، نحلال، سِمرون، اِداله او بيت‌لحم شامِل وُو: دا ټول دولس ښارونه وُو، چې ګېرچاپېره ترې نه کلى وُو.

¹⁶دا ښارونه او د دې کلى په هغه مُلک کښې وُو کوم چې د زبولون قبيلې ته مِلاو شو چې خپل ميراث يې شى.

¹⁷په څلورم ځل پچه د يساکار قبيلې د کورَنو راووتله.

¹⁸د دې په علاقه کښې، يزرعيل، کسولوت، شونيم،

¹⁹حفارئيم، شِيون، اناخرات،

²⁰ربيت، قِسيون، ابِض،

²¹ريمت، عين جنيم، عين حده او بيت فصيص شامِلې وې.

²²دا سرحد د تبور، شخصيماه او بيت شمس سره هم لګېدو او د اُردن سره ختم وو. په دې کښې شپاړس ښارونه شامِل وُو، چې ګېرچاپېره ترې نه کلى وُو.

²³دا ښارونه او کلى په هغه مُلک کښې وُو کوم چې د يساکار قبيلې ته مِلاو شو چې د هغوئ ميراث شى.

²⁴په پينځم ځل پچه د آشر قبيلې د کورَنو راووتله.

²⁵په دې کښې د حلقت، حلى، بطن، اکشاف،

²⁶المُلک، عماد او مِسال علاقې شامِلې وې. په نمرپرېواتۀ طرف باندې دا د کرمل او د سيحور لِبنات سره لګېدو.

²⁷چرته چې دا نَمرخاتۀ طرف ته تاو وو، نو د دې سرحد بيت دجون ته تلے وو او د بيت عميق او نعى اېل د شمال په لاره دا زبولون او د اِفتاح اېل وادۍ سره لګېدلو. دا په شمال کښې کبول ته روان وو،

²⁸عبرون، رِحوب، حمون، قاناه او تر صيدا پورې تلے وو.

²⁹سرحد بيا د راما طرف ته تاو وو او د پَخو دېوالونو ښار صور ته رسېدلے وو، بيا دا حُوسه ته تاو وو او د مديتران سيند سره ختم وو. په دې کښې مهلاب، اکزيب،

³⁰عُمه، افيق او رِحوب شامِل وُو: دا دوه ويشت ښارونه وُو، چې ګېرچاپېره ترې نه کلى وُو.

³¹دا ښارونه او د دې کلى په هغه مُلک کښې وُو کوم چې د آشر قبيلې کورَنو ته مِلاو شو چې خپل ميراث يې شى.

³²په شپږم ځل پچه د نفتالى قبيلې د کورَنو راووتله.

³³د دې سرحد د حلف نه د ضعننيم د څېړۍ ونې ته تلے وو، دا ادامى نقب او يبنى اېل ته تر لقُوم پورې روان وو او دا د اُردن سره ختم وو.

³⁴دا سرحد هلته نمرپرېواتۀ طرف ته ازنوت تبور ته تاو وو او د هلته نه حُقوق ته تاو وو او په جنوب کښې د زبولون سره، نمرپرېواتۀ طرف ته د آشر سره او نَمرخاتۀ طرف ته د اُردن سره لګېدو.

³⁵د پَخو دېوالونو ښارونه دا وُو: صديم، صير، حمات، رقت، کنرت،

³⁶ادامه، راما، حصور،

³⁷قادِس، ادرعى، عين حصور،

³⁸ارون، مجدل اېل، حُريم، بيت عنات او بيت شمس: دا نولس ښارونه وُو، چې ګېرچاپېره ترې نه کلى وُو.

³⁹دا ښارونه او د دې کلى په هغه مُلک کښې وُو کوم چې د نفتالى قبيلې کورَنو ته مِلاو شوى وُو چې د هغوئ ميراث شى.

⁴⁰په اوؤم ځل پچه د دان قبيلې د کورَنو راووتله.

⁴¹په هغې کښې دا علاقې شامِلې وې: صُرعا، اِستال، عير شمس،

⁴²شعلبين، ايالون، اِتلاه،

⁴³ايلون، تمنت، عقرون،

⁴⁴التِقيه، جبتون، بعلات،

⁴⁵يهود، بنى برق، جات رِمون،

⁴⁶مے يرقون، رقون او داسې د يافا نه ګېرچاپېره علاقه هم.

⁴⁷کله چې د دان د خلقو نه زمکه لاړه، نو هغوئ لشم ته لاړل او حمله يې پرې وکړه. هغه يې قبضه کړو، د دې خلق يې ووژل او په مُلک باندې يې خپله دعوه وکړه. هغوئ هلته اوسېدل او د هغه ښار نوم يې د لشم نه دان ته بدل کړو، يعنې د خپل پلار نيکۀ نوم دان يې ورباندې کېښودو.

⁴⁸دا ښارونه او د دې کلى په هغه مُلک کښې وُو کوم چې د دان قبيلې کورَنو ته مِلاو شوى وو چې خپل ميراث يې شى.

⁴⁹کله چې بنى اِسرائيلو د زمکې تقسيمول ختم کړل، نو هغوئ د نون زوئ يشوَع له د زمکې يوه حِصه ورکړه چې د هغۀ خپل ميراث شى.

⁵⁰لکه څنګه چې مالِک خُدائ حُکم کړے وو، هغوئ يشوَع له هغه ښار ورکړو چې کوم يې غوښتے وو يعنې د غرونو په مُلک اِفرائيم کښې د تمنت سِره ښار هغۀ بيا جوړ کړو او هغه په کښې اوسېدو.

⁵¹اِلعازار اِمام، د نون زوئ يشوَع، د بنى اِسرائيلو د کورَنو مشرانو د زمکې دا برخې د پچې په ذريعه حواله کړې او په شيلو کښې يې د مالِک خُدائ سره د مشورې په مطابق د مالِک خُدائ د حضُور مقدسې خېمې د دروازې په خولهٔ کښې داسې وکړل نو په دې طريقه هغوئ د زمکې تقسيمول ختم کړل.